රථවාහන වරදකට දිගින් දිගටම ලිංගික අල්ලස් ඉල්ලු පොලිස් සැරයන්වරයා හඩපට සමග කොටුවේ.

රථවාහන වරදක් විසඳා දීම සඳහා කාන්තාවකගෙන් ලිංගික අල්ලස් ඉල්ලූ බව කියන බදුල්ල මූලස්ථාන පොලිසියේ රථවාහන අංශයේ සැරයන්වරයකු සම්බන්ධයෙන් බදුල්ල දිසාව බාර නියෝජ්‍ය පොලිස්පති අසංග කරවිට මහතාගේ නියමය මත පරීක්ෂණයක් ආරම්භ කර ඇතැයි පොලිස් ආරංචි මාර්ග පවසනවා.

මෙම නිලධාරියා සිය පොලිස් බලය අයුතු ලෙස පරිහරණය කරමින් තමාට අවස්ථා කිහිපයකදීම දුරකතනයෙන් කතා කර ලිංගික අල්ලස් ඉල්ලූ බවට බදුල්ල නෙළුම්ගම ප්‍රදේශයේ පදිංචි විවාහක කාන්තාවක විසින් පටිගතව ඇති දුරකතන සංවාද සමගින් ඌව පළාත භාර ජ්‍යෙෂ්ඨ නියෝජ්‍ය පොලිස්පතිවරයා වෙත මීට දින කිහිපයකට පෙර පැමිණිල්ලක් සිදුකර තිබුණා.

මෙම නිලධාරියා පැමිණිලිකාර කාන්තාවගේ දුරකතන අංකය ද ගෙන ඇයගේ රියදුරු බලපත්‍රය තමන් සන්තකයේ තබා ගනිමින් එය නැවත ලබා දිමට නම් තමා හා පැමිණෙන ලෙසට දුරකතන මාර්ගයෙන් අවස්ථා කිහිපයකදීම බලපෑම් සිදුකර ඇති බවට ඇය විසින් සිදුකර ඇති පැමිණිල්ලේ සඳහන්ව ඇතැයි ද එම ආරංචි මාර්ග පවසනවා.

ඌව පළාත බාර ජ්‍යෙෂ්ඨ නියෝජ්‍ය පොලිස්පතිවරයා විසින් මේ පිළිබඳ විමර්ශනයක් සිදුකරන ලෙස බදුල්ල දිසාව බාර නියෝජ්‍ය පොලිස්පති අසංග කරවිට මහතාට නියෝග කර ඇති අතර නියෝජ්‍ය පොලිස්පතිවරයාගේ උපදෙස් මත ප්‍රදේශය බාර සහකාර පොලිස් අධිකාරිවරයකුගේ අධීක්ෂණය හා මෙහෙයවීම යටතේ මේ පිළිබඳ පරීක්ෂණයක් අරඹා තිබෙනවා.

මෙකී නිලධාරියා මෙවන් විනය විරෝධී ක්‍රියාවන් රැසකටම පොලිසිය සහ සිවිල් සමාජය තුළ දැඩි අප්‍රසාදයට ලක්ව සිටින අයෙකු බවත් පොලියට මුදල් ලබා දී ගෙවීමට අතපසු වූවන් හට පොලිස් බලය අයුතු ලෙස යොදා ගනිමින් තර්ජනය කිරීමේ සිදුවීම් ද වාර්තා වී ඇති බවද පොලිසිය පවසයි.

මේ සම්බන්ධයෙන් බදුල්ල දිසාවේ උසස් පොලිස් නිලධාරියකුගෙන් කළ විමසුමකදී එම නිලධාරියා සඳහන් කළේ එවන් සිද්ධියකට අදාළ විමර්ශනයක් ජ්‍යෙෂ්ඨ නියෝජ්‍ය පොලිස්පතිවරයාගේ නියෝග මත සිදුවන බවයි

The post රථවාහන වරදකට දිගින් දිගටම ලිංගික අල්ලස් ඉල්ලු පොලිස් සැරයන්වරයා හඩපට සමග කොටුවේ. appeared first on ColomboXnews.