ගම්පහ – ඔරුතොට පාර අසල ඇති ව්‍යායාම් මංතීරුව යළි පිළිසකර කිරීමේ ව්‍යාපෘතියක් යළි ආරම්භ කර ඇතැයි නාගරික සංවර්ධන, අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය නාලක ගොඩහේවා මහතා පවසනවා.
එම ඇවිදින මංතීරුව මේ වන විට කැඩී බිදී ගොස් ඇති නිසා එය පිළිසකර කර ගෙවල්වලට සිරවී සිටින, ආතතියක් සහිත පුද්ගලයින් හට නිදහසේ ඇවිදීමට හා ව්‍යායාම කිරීමට අවස්ථාව ලබාදෙන බවයි අමාත්‍යවරයා සඳහන් කරන්නේ.
ඒ අනුව එම මංතීරුව නිරීක්ෂණය කිරීම සඳහා පසුගියදා රාජ්‍ය අමාත්‍ය නාලක ගොඩහේවා මහතා එහි සංචාරයක නිරතව තිබෙනවා.
එම ඡායාරූපවලට අනුව අමාත්‍යවරයා සංචාරය කරන විටත් ප්‍රදේශවාසීන් ව්‍යායාමවල නිරතව සිටින අතර ඇතැමුන් අමාත්‍යවරයාව ගණනකට නොගෙන අහක බලමින් සිටින අයුරු දක්නට ලැබෙනවා.
නිරෝධායන ඇඳිරි නීතිය ක්‍රියාත්මක වන අවස්ථාවේ අත්‍යවශ්‍ය කරුණකට හැර නිවසෙන් බැහැර නොවීමට සෞඛ්‍ය උපදෙස් ලබා දී ඇති අවස්ථාවක ඇතැමෙක් රාජ්‍ය අමාත්‍ය නාලක ගොඩහේවාට පස්ස හරවමින් තවදුරටත් ව්‍යායාමයේ පමණක් නිරතව සිටින අපූරු ඡායාරූපද එම ඡායාරූප අතර වනවා.
The post රටේම නිරෝධායන ඇඳිරි නීතිය – ඇමති ගොඩහේවා එන විට ජනතාව ව්‍යායාම් කරන්න ඇවිදින මංතීරුවේ appeared first on ColomboXnews.
Source From Colomboxnews
Author: Kamal Dhammika
#SriLanka #News #lka