රක්ෂිතය අනවසරයෙන් එළිකළ බද්දේගම පොහොට්ටු මන්ත්‍රී අත්අඩංගුවට

බද්දේගම, තිබිල්ල රක්ෂිතය අනවසරයෙන් එළිපෙහෙළි කළ ශ්‍රී ලංකා පොදුජන පෙරමුණේ බද්දේගම ප්‍රාදේශීය සභා මන්ත්‍රීවරයෙක් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ප්‍රකාශ කළේය.
එලෙස අත්අඩංගුවට පත්ව ඇත්තේ, 33 හැවිරිදි පුද්ගලයෙකු වන බව ද පොලිස් මාධ්‍ය ප්‍රකාශකවරයා කීවේය. සැකකරු ඊයේ (23) බද්දේගම පොලිසිය මගින් අත්අඩංගුවට ගෙන තිබේ.
අත්අඩංගුවට ගත් ප්‍රාදේශීය සභා මන්ත්‍රීවරයා අධිකරණයට ඉදිරිපත් කිරීමෙන් අනතුරුව ඇප මත මුදා හැර ඇති බවද පොලිස් මාධ්‍ය ප්‍රකාශකවරයා සඳහන් කළේය.
සිද්ධිය සම්බන්ධයෙන් බද්දේගම පොලීසිය වැඩිදුර විමර්ශන සිදුකරන අතර පරිසර හානි සම්බන්ධයෙන් පොලිසිය කරනා පරික්ෂණ අඛණ්ඩව කරගෙන යන බවද ඔහු කීවේය.

The post රක්ෂිතය අනවසරයෙන් එළිකළ බද්දේගම පොහොට්ටු මන්ත්‍රී අත්අඩංගුවට appeared first on ColomboXnews.

Source From Colomboxnews
Author: Kamal Dhammika
#SriLanka #News #lka