මේ වෙලාවේ ඡන්දයක් ඉල්ලන සජිත්ගෙ මොළය පරීක්‍ෂා කරගන්න ඕනෑ – අනුර (වීඩියෝ)

මේ වගේ වෙලාවක මැතිවරණයක් ඉල්ලන විපක්ෂ නායක සජිත් පේමදාගේ මොළය පරීක්‍ෂා කරගන්න ඕනෑ යැයි ජවිපෙ නායක අනුර කුමාර දිසානායක මහතා පවසයි.

අද(12) කොළඹ පැවති මාධ්‍ය සාකච්ඡාවකදී මාධ්‍යෙව්දීයෙකු ඇසු ප්‍රශ්ණයකට පිලිතුරු දෙමින් ඔහු මේ බව ප්‍රකාශ කරන ලදි.

ඔය කණ්ඩායම් දෙකම හැමවෙලාවෙම කළේ පවතින පාලනය යම් අසාර්ථකත්වයකට පත්වීමේදී මෝහනයට පත්වීමයි. උද්දාමයට පත්වීමයි. රට හෝ ආර්ථිකය හෝ  ජනතාව ගැන හැඟීමකින් කරන ප්‍රකාශ නෙවෙයි ඔය. පසුගිය මහා මැතිවරණය පැවත්වීම කල් දැම්මේ දවසකට සීයක් විතර ආසාදිතයින් වාර්තා වෙද්දීයි. දවසකට දෙතුන් දෙනෙක් මිය යාම් වාර්තා වෙද්දී. අද දහස් ගණනක් ආසාදිතයින් වාර්තා වෙන, සිය ගණනක් මිය යන තත්වයක් යටතේ ඡන්දයක් ඉල්ලන අයගේ මොළය පරීක්‍ෂා කරන්න ඕනෑ නැද්ද?

“මේ වෙලාවේ අපි ආණ්ඩුවට බලපෑම් කරන්න ඕනෑ විනාශය අවම කර ගන්න. ඒ වෙනුවෙන් බලපෑම් වැඩි කරන්න ඕනෑ. එහෙම නොකර ලාභ ලෙස බලය ලබාගන්න හිතන අයගේ අදහස් ගැන අපිට වෙන කියන්න දෙයක් නැහැ.”

The post මේ වෙලාවේ ඡන්දයක් ඉල්ලන සජිත්ගෙ මොළය පරීක්‍ෂා කරගන්න ඕනෑ – අනුර (වීඩියෝ) appeared first on ColomboXnews.