මෙරට ගව ඝාතනය තහනම් කර ගවමස් පිටරටින් ගෙනඒමට අගමැති මහින්දගෙන් යෝජනාවක්

ගව ඝාතනය තහනම් කිරීම සඳහා අග්‍රාමාත්‍ය මහින්ද රාජපක්ෂ මහතා විසින් යෝජනා කර තිබේ. ඔහු මෙම යෝජනාව ඉදිරිපත් කර තිබෙන්නේ ආණ්ඩු පක්ෂයේ මන්ත්‍රී කණ්ඩායම් රැස්වීමේදීය. එම යෝජනාව ආණ්ඩු පක්ෂ මන්ත්‍රී කණ්ඩායම ඒකමතිකව සම්මත කර ඇති බවයි වාර්තා වන්නේ. ඒ අනුව ඉදිරියේදී මෙම යෝජනාව පාර්ලිමේන්තුව වෙත ඉදිරිපත් කර සම්මත කර ගැනීම සිදු කෙරෙනු ඇත.

කෙසේ වෙතත් එම තහනම ප්‍රායෝගිකව ක්‍රියාත්මක වන ආකාරය පිළිබඳ මෙතෙක් තොරතුරු වාර්තා නොවන අතර පරිභෝජනය සඳහා අවශ්‍ය ගවමස් ආනයනය කිරීමේ ක්‍රමවේදයක් පිළිබඳව ද සාකච්ඡා වී ඇතැයි වාර්තා වේ.

රටතුළ ගව ඝාතනය සම්පූර්ණයෙන් තහනම් කිරීමට අගමැතිවරයා යෝජනා කර ඇති නමුත් ඉන්පසු ගවමස් පරිභෝජනය කරන ජනතාව වෙනුවෙන් පිටරටින් මස් ආනයනය කළයුතු බවයි මහින්ද රාජපක්ෂ මහතා පවසා තිබෙන්නේ.

මේ අනුව මෙරටට අවශ්‍ය ගවමස් ඉදිරියේදී වෙනත් රටවලින් ආනයනය කිරීමට කටයුතු සුදානම් කර ඇති බවද වාර්තාවේ.

The post මෙරට ගව ඝාතනය තහනම් කර ගවමස් පිටරටින් ගෙනඒමට අගමැති මහින්දගෙන් යෝජනාවක් appeared first on ColomboXnews.

Source From Colomboxnews
Author: Kamal Dhammika
#SriLanka #News #lka