කොවිඩ් 19 හේතුවෙන් මියයන ශ්‍රී ලාංකික මුස්ලිම් ජාතිකයින් භුමිදානය කිරීම සඳහා සිය රටේ දූපතක් ලබා දීමට සූදානම් බව මාලදිවයින් රජය නිල වශයෙන් ශ්‍රී ලංකාවේ විදේශ කටයුතු අමාත්‍යාංශයට දැනුම් දී තිබේ.
මහජන සෞඛ්‍ය සේවා නියෝජ්‍ය අධ්‍යක්ෂ ජනරාල් වෛද්‍ය හේමන්ත හේරත් මහතා මේ බැව් තහවුරු කරමින් ප්‍රකාශ කරන්නේ මෙහිදී ඇති විය හැකි ප්‍රායෝගික තත්ත්වයන් පිළිබඳව අවධානය යොමු කරමින් සිටින බවය.
කොවිඩ් 19 හේතුවෙන් මිය යන ශ්‍රී ලාංකික මුස්ලිම් ජාතිකයින් භූමිදානය කිරීම සඳහා මාලදිවයින් රජය කර තිබෙන මෙම යෝජනාව සම්බන්ධයෙන් සෞඛ්‍ය අමාත්‍යාංශයේ නිර්දේශයන් විදේශ කටයුතු අමාත්‍යාංශය වෙත ලබා දීමට සූදානමින් සිටින බව පෙන්වා දෙන හේරත් මහතා ඒ මත මාලදිවයින් රජයේ ඉල්ලීමට නිල වශයෙන් ප්‍රතිචාර දැක්වීමට විදේශ කටයුතු අමාත්‍යාංශයට හැකි බවද පෙන්වා දෙයි.
ශ්‍රී ලංකාවේ දකුණට වන්නට කිලෝමීටර් 700ක් එපිටින් පිහිටි දූපත් 1100 කින් පමණ සමන්විත මාලදිවයිනේ භූමි ප්‍රමාණය වර්ග කිලෝ මීටර 330 ක් වේ.මාලදිවයින් පුරවැසියන්ගෙන් 100% ක්ම මුස්ලිම් ජාතිකයින් වේ. ජනගහනය 379870කි.
කොවිඩ් 19 රෝග තත්ත්වය හේතුවෙන් මිය යන පුද්ගලයින් අනිවාර්යයෙන්ම ආදාහනය කිරීමට ශ්‍රී ලංකා රජය ගෙන තිබෙන තීරණයට විරෝධය දැක්වීම වස් මුස්ලිම් ජනතාව කොවිඩ් 19 හේතුවෙන් මිය යන සිය ඥාතීන්ගේ දේහයන් බාර ගැනීම ද මේ වනවිට ප්‍රතික්ෂේප කොට තිබේ. ඒ හේතුවෙන් එම දේහයන් රජයේ වියදමින් භූමිදානය කිරීමට සිදුව තිබේ.
කොවිඩ් 19 රෝගී තත්ත්වය හේතුවෙන් මියයන මුස්ලිම් ජාතිකයින් භූමිදානය කිරීම සඳහා සුදුසු ඉඩමක් සොයන ලෙස මිට ටික දිනකට පෙර අග්‍රාමාත්‍ය මහින්ද රාජපක්ෂ මහතා ද සෞඛ්‍ය අංශවලට උපදෙස් දී තිබේ.
The post මරණය ශ්‍රී ලංකාවේ – භූමිදානය මාලදිවයිනේ… කොවිඩ් මරණ භුමිදානයට දුපතක් ලබාදීමට මාලදිවයින කැමැත්ත පලකරයි. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka