‘මද්‍රාසා පාසල් තහනම් කරනවා කියලා මම කිව්වේ නෑ‘… සරත් වීරසේකර ‘පුස් වෙඩිල්ලක්‘ බව නැවතත් තහවුරු වෙයි.

මෙරට තුළ මද්‍රසා පාසල් තහනම් කරන බවට තමන් මීට කලින් කළ ප්‍රකාශය සම්බන්ධයෙන් මහජන ආරක්ෂක අමාත්‍ය සරත් වීරසේකර මහතා අද (25) පැහැදිලි කිරීමක් සිදු කරන ලදි.

පාර්ලිමේන්තුවේදී පාර්ලිමේන්තු මන්ත්‍රී එස්.එම්. මරික්කාර් මහතා කළ ප්‍රකාශයකට ප්‍රතිචාර දක්වමින් අමාත්‍යවරයා කියා සිටියේ වයස අවුරුදු 5 ත් 16 ත් අතර ළමුන් සඳහා ආගම සහ අරාබි භාෂාව පමණක් උගන්වන මද්‍රසා පාසල් මෙරට ජාතික අධ්‍යාපන ප්‍රතිපත්තියට පටහැනි බැවින් එය තහනම් කිරීම ගැන පමණක් තමන් ප්‍රකාශ කළ බවයි.

එසේ නොමැතිව සියලු මද්‍රසා පාසල් තහනම් නොකරන බවද අමාත්‍යවරයා පැවසීය.

සරත් වීරසේකර ඇමතිවරයා අමාත්‍ය ධුරයේ වැඩ බාරගත් පසු සිදුකරන ලද ප්‍රකාශ ගණනාවක් මේ වනවිට නැවත වෙනස්කර ඇති අතර එම නිසාම ඔහුට පුස් වෙඩිල්ලක් යන නමද සමාජ මාධ්‍ය තුල මේවනවිට පටබැදී ඇත.

පලාත් සභා අහෝසී කිරීම, වයස 18 වැඩි අයට හමුදා පුහුණුව අනිවාර්ය කිරීම, බුර්කාව තහනම් කිරීම ආදී විවිධ තීන්දු ඔහු විසින් වරින් වර ප්‍රකාශ කලද ඉතා කෙටි කාලයකින් තමන් එසේ ප්‍රකාශ නොකල බව මෙන්ම ඒවා සමාජය තුල හාස්‍යයට ලක්වන තත්ත්වය පත්විය.

The post ‘මද්‍රාසා පාසල් තහනම් කරනවා කියලා මම කිව්වේ නෑ‘… සරත් වීරසේකර ‘පුස් වෙඩිල්ලක්‘ බව නැවතත් තහවුරු වෙයි. appeared first on ColomboXnews.