තමා සතු සියලු දේපල විකුණා හෝ ජනතා විමුක්ති පෙරමුණ මීළඟ මැතිවරණයේදී ජන්ද බින්දුවට දැමීමට කටයුතු කරන බව කුප්‍රකට ඇවන්ගාර්ඩ් සභාපති නිශ්ශංක සේනාධිපති මහතා සඳහන් කරයි.
මීට පෙරද පසුගිය ජනාධිපතිවරණයේදී ජවිපෙට එරෙහිව මිලියන 500ක් තමන් මැතිවරණ ව්‍යාපාරයේදී වියදම් කරන බව පවසමින් නිශ්ශංක සේනාධිපති මහතා ගෝඨාභය රාජපක්ෂ මහතාගේ ජයග්‍රහණය වෙනුවෙන් අත දිගහැර යහමින් මුදල් යොදවන ලදි.
තමා ISIS සංවිධානයට උදව් කර නැති බවත් සහරාන්ව තමාට මුණ ගැහි නැති බවත් සඳහන් කරන ඒ මහතා වැඩිදුරටත් සඳහන් කලේ තමා අන්තවාදීන්ට ආයුධ පුහුණුව ලබා දී නැති බවත් ආයුධ ලබා දී නැති බවත්ය.
කිසිම ආකාරයකින් අන්තවාදීන් වෙනුවෙන් මුදල් ලබා දීමක් සිදු කර නොමැති බවත් තමාට ලෝකයේ ඕනෑම රටකට යන්න මේ මොහොතෙත් හැකියාව පවතින බවද ඒ මහතා සඳහන් කරයි.
ශානි අබේසේකර, රිෂාඩ් බදියුදීන්,අසාත්සාලි, හිස්බුල්ලා යන අයගේ නම් මේ කොමිසමේ නැත්තේ කුමන්ත්‍රණයකින් එය ඉවත් කල නිසා බවද සඳහන් කරන සේනාධිපති මහතා වැඩිදුරටත් සඳහන් කලේ තමා නිරෝධායන ශ්‍රමිකයන්ගෙන් හොරා කා නැති බවය.
අශෝක් අබේසිංහ මහතාගේ ප්‍රකාශය තනිකරම රාජ්‍ය විරෝධී කුමන්ත්‍රණයක් බව ඒ මහතා වැඩිදුරටත් සඳහන් කරන ලදී.
ඒ මහතා මෙම අදහස් පල කලේ යුටියුබ් නාලිකාවක් සමඟ සාකච්ජාවකට එක්වෙමිනි.
The post “මගේ සේරම දේපල විකුණලා හරි ජේ.වී.පී එක ඊළඟ ඡන්දෙදී බින්දුවට දානවා” – නිශ්ශංක සේනාධිපති (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka