බුර්කාව – නිකාබය තහනම් නෑ- රජය නිවේදනයක් නිකුත් කරයි

බුර්කාව හා නිකාබය මෙරට තහනම් කිරීමට රජය තීරණය කර නැතැයි විදේශ අමාත්‍යාංශයේ ලේකම් ජයනාත් කොළඹගේ මහතා සඳහන් කරයි. බුර්කාව හා නිකාබය තහනම් කිරීමේ යෝජනාව ගැන පළ වන මාධ්‍ය වාර්තා ගැන නිවේදනයක් නිකුත් කරමින් ඔහු මේ බව කියා සිටී.

එය යෝජනාවක් පමණක් වන බවත් ඒ ගැන දැනට සාකච්ඡා වෙමින් පවතින බවත් ඔහු කියා සිටියි.

කෙසේ වෙතත් අමාත්‍ය සරත් වීරසේකර මහතා පසුගියදා තමන් බුර්කාව හා නිකාබය මෙරට තහනම් කිරීමට අදාල කැබිනට් පත්‍රීකාවට අත්සන් කල බව ප්‍රකාශ කරන ලදි. මේ සම්බන්දයෙන් සමාජ මාධ්‍ය තුලද දැඩි කතාබහක් ඇති වී තිබුණි.

මේ සම්බන්ධයෙන් රජය සියලු පාර්ශ්වයන් සමඟ පුළුල් සංවාදයක් ආරම්භ කරනු ඇති බවත් අවසන් තීරණය ගැනීමට ප්‍රමාණවත් කාලයක් වැය වනු ඇතැයිද නිවේදනයේ තව දුරටත් සඳහන් වෙයි.

The post බුර්කාව – නිකාබය තහනම් නෑ- රජය නිවේදනයක් නිකුත් කරයි appeared first on ColomboXnews.