ජාතික ජන බලවේගයේ ජනප්‍රියභාවය උසුලාගත නොහැකිව පොහොට්ටු ක්‍රියාකාරීන් තම හෙංචයියන් යොදා බිත්තර ප්‍රහාර එල්ල කිරීම දැඩි පිළිකුලෙන් යුතුව හෙළා දකින බව ජවිපෙ හිටපු පළාත් සභා මන්ත්‍රී මහින්ද ජයසිංහ ‘මව්බිම’ට පැවසීය.
ඊයේ (ජන. 30) කලගෙඩිහේන ග්ලාස් ග්ලෝව්ස් උත්සව ශාලාවේ “බිඳවැටුණු මවුබිම ගොඩනගන විසඳුම” තේමාව යටතේ ගම්පහ පැවති සමුළුව ආරම්භ කළ පසු එම ශාලාවේ ගේට්ටුව අසල සිට කිහිපදෙනෙක් ශාලාව දෙසට පැමිණ බිත්තර ප්‍රහාරයක් එල්ල කර පළා යාමට තැත් කළ බව ත් ඉන් දෙදෙනෙක් අල්ලා ගැනීමට හැකි වූ අතර එම පුද්ගලයන් පාපෝච්චාරණය කළ පරිදි ඔවුන් ගම්පහ ප්‍රදේශයේ ප්‍රබල දේශපාලනඥයෙක් සහ ආරක්ෂක සේවා සපයන ආයතනයක හිමිකරුවෙකුගේ චක්ගෝලයන් බව හඳුනාගත් බවත් ජයසිංහ මහතා පෙන්වා දුන්නේ ය.
මෙවැනි බියගුලු වැඩවලින් ජාතික ජන බලවේගයේ දේශපාලන ක්‍රියාකාරීත්වය කිසිසේත්ම නතර කළ නොහැකි බවත් මේ ප්‍රාදේශීය දේශපාලනඥයන්ට අවධාරණය කරන්නේ ප්‍රගතිශීලී ජනතාව සමග එක්ව මෙවැනි ක්‍රියාවන්වලට ඉදිරියේදී පාඩමක් උගන්වන බව යැයි ඒ මහතා අවධාරණය කළේ ය.
තව ද ජාතික ජන බලවේගයේ පාලනයක් යටතේ මෙවැනි දූෂිතයන්ට එරෙහිව නීතිය ක්‍රියාත්මක කරන බව ද හෙතෙම වැඩිදුරට ත් පැවසීය.
අනුරාධා හේරත් – මව්බිම
The post ”බියගුලු වැඩවලින් අපේ දේශපාලනය නතර කරන්න බෑ” – ජවිපෙ හිටපු පළාත් සභා මන්ත්‍රී මහින්ද ජයසිංහ appeared first on ColomboXnews.
Source From Colomboxnews
Author: Kamal Dhammika
#SriLanka #News #lka