21 වැනි ව්‍යවස්ථා සංශෝධනයට එරෙහිව පොහොට්ටුව සිය ඡන්දය ප්‍රකාශ කිරීමට සූදානම්වන බව අභ්‍යන්තර ආරංචි මාර්ග සඳහන් කරයි. මීට එක් ප්‍රධාන හේතුවක් වන්නේ පොහොට්ටුවේ පක්ෂ නායක බැසිල් රාජපක්ෂගේ ද්විත්ව පුරවැසි භාවය හේතුවෙන් ඔහුගේ මන්ත්‍රී ධුරය අහෝසි වී යෑම වැලැක්වීමට බව වාර්තා වේ.
20 වැනි ව්‍යවස්ථා සංශෝධනය අහෝසි කර එහි ඇතුළත් යහපත් අංගද සහිතව සාධනීය ප්‍රතිසංස්කරණ ගණනාවක් ඇතුළත් ආණ්ඩුක්‍රම ව්‍යවස්ථාවේ 21 වැනි සංශෝධනය නව රජයේ මංගල කැබිනට් මණ්ඩලය වෙත ඉදිරිපත් කිරීමට නියමිතව තිබේ.
රට වැටී ඇති බිහිසුනු ආර්ථික හා දේශපාලනික අරාජික බවින් බේරා ගැනීම සඳහා අවශ්‍ය සමාජ ප්‍රතිසංස්කරණය ව්‍යවස්ථානුකූලව කරගැනීම සඳහා අවශ්‍ය ප්‍රවේශයක් බලාපොරොත්තුවෙන් සිදුකරන මෙම සංශෝධනය පාර්ලිමේන්තුව තුළ සම්මත කරගැනීමට නොහැකි වුවහොත් රට යළිත් දැවැන්ත ව්‍යසනයකට ලක්වනු ඇතැයි මේ පිළිබඳව කළ විමසීමක දී නීති විශාරදයෝ පෙන්වා දුන්හ.
මෙම ප්‍රවේශය සම්බන්ධව පොහොට්ටුවේ ජ්‍යෙෂ්ඨ දේශපාලකයෙකුගෙන් කළ විමසීමක දී ඔහු ප්‍රකාශ කළේ මේ සම්බන්ධව තවමත් නිශ්චිත තීන්දුවක් නැති බවත් පක්ෂය තුළ සාකච්ඡාවක් ඇති වී තිබෙන බවත්ය. මෙවැනි අසීරු අවස්ථාවක විධායකයේ බලය වැඩි කරනු විනා එය දියකර හැරීම සිදු නොකළ යුතු බවට පොහොට්ටුවේ වැඩි දෙනෙකුගේ මතයක් ඇති බවත් ඔහු පෙන්වා දුන්නේය.
විශේෂයෙන් බැසිල් රාජපක්ෂ මහතාගේ මන්ත්‍රීධුරය අහෝසි වන සංශෝදයක් සදහා පොහොට්ටුවේ බහුතරයක් එකග නැති බවද වාර්තාවේ. මේ හේතුවෙන් පොහොට්ටුවේ මන්ත්‍රීවරුන්ගේ සහාය නොමැතිව 21 වන සංශෝධනය සම්මතවීම අවිනිශ්චික තත්ත්වයක පවතී.
රනිල් වික්‍රමසිංහ මහතා අගමැති ධුරයේ දිවුරුම් දුන්නද ඔහුට වැඩ කිරිමට සිදුවී ඇත්තේ බැසිල් රාජපක්ෂගේ න්‍යායපත්‍රයට අනුව වීම හේතුවෙන් අරගලයේ නිරත පිරිස් හා නිතීඥ සංගමය මෙන්ම රටේ ජනතාවද මහ බැංකුවේ අධිපතිවරයා ඇතළු පරිපාලන කේෂ්ත්‍රෙය් අයද බලාපොරොත්තු වන දේශපාලන ස්ථාවරභාවයක් රටතුල ස්ථාපිත කිරීම මේ අනුව තව දුරටත් සිහිනයක් පමණක් වනු ඇතැයි දේශපාලන විචාරකයින් පෙන්වා දෙයි.
The post බැසිල් බේරගන්න පොහොට්ටුව 21 වැනි ව්‍යවස්ථා සංශෝධනයට එරෙහි වෙයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka