බැසිල්ට මලපනී… නෙළුම් මාවත කාර්යාලයේදී සියල්ල ඉදිරියේ මොරටුවේ සමන්ලාල්ට බැණවදී… ගෝල්ෆේස් ප්‍රහාරයේ සුලමුල එළියට… වීඩියෝව මෙන්න..

පොදුජන පෙරමුණේ නිර්මාතෲ බැසිල් රාජපක්ෂ මහතා සහ මොරටුව නගර සභාවේ හිටපු සභාපති සමන්ලාල් ප්‍රනාන්දු මහතා අතර සිදුවූ බහින්බස් වීමකට අදාල හඬපටයක් සමාජ මාධ්‍ය තුල මේ වනවිට සැරිසරමින් පවතී.

තමන්ගේ සහ මහින්ද රාජපක්ෂ මහතාගේ විරෝධය නොතකමින් මැයි 09 අරගලයට පහර දුන්නේ සමන්ලාල් බවත් එනිසා අහිංසක මිනිසුන්ට බේරෙන් නෑමට සහ තම නිවාස ගිණි තැබීමට ලක්වූයේ සමන්ලාල් මහතාගේ ක්‍රියාකලාපය නිසා බව එහිදී බැසිල් රාජපක්ෂ මහතා මෙහිදී දැඩිව චෝදනා කරනු දක්නට ලැබේ.

කෙසේ වෙතත් මැයි 09 වනදා අරලියගහ මන්දිරයට රටපුරා පොහොට්ටු පාක්ෂිකයින් කැදවා රැස්වීමක් පවත්වා අරලියගම මන්දිරය ඉදිරිපිට අරගලකරුවන්ට සහ ගෝල්ෆේස් අරගලකරුවන්ට පහරදීම මෙහිදී තනිකරම මොරටුව නගරාධීපති සමන්ලාල් මත පැටවීමට උත්සාහ කලද ඔහුට එවැනි සංවිධාන බලයක් පක්ෂය තුල නොමැති අතර එය තනිකරම පොහොට්ටු පක්ෂය විසින් සැලසුම් සහගතව සංවීධානාත්මකව සිදුකල ප්‍රහාරයක් බව මනාව පැහැදිලිවේ.

ජොන්ස්ටන් ප්‍රනාන්දු, නාමල් රාජපක්ෂ, රෝහිත අබේගුණවර්ධන, සනත් නිශාන්ත, සී. බී රත්නායක, එස්. එම් චන්ද්‍රෙස්න වැනි පොහොට්ටුවේ ප්‍රබලයින් මෙන්ම පලාත්සභා මෙන්ම පලාත් පාලන මන්ත්‍රීවරු සියල්ලම පාහේ මෙම ප්‍රහාරය සදහා තම පාක්ෂිකයින් සමග කොළඹ පැමිණි අතර එවැනි සංවිධානාත්මක ක්‍රියාවක් සමන්ලාල් වැනි නගරාධිපතිවරයෙකුට තනිව කල නොහැකි බව ඕනෑම අයෙකුට තේරුම් යන සත්‍යයකි.

එම නිසා ගෝල්ෆේස් ප්‍රහාරයේ වගකීම සමන්ලාල් මත පටවා බැසිල් රාජපක්ෂ, මහින්ද රාජපක්ෂ ඇතුළු රාජපක්ෂවරු මෙන්ම පොහොට්ටු ප්‍රබලයින් අතසෝදාගැනීමේ උත්සාහයක නිරත වන බව මෙම සිදුවීම තුලින් පෙන්නුම් කරයි.

බැසිල් රාජපක්ෂ මොරටුව නගරාධිපති සමන්ලාල්ට බැණවදින වීඩියෝව පහතින්

The post බැසිල්ට මලපනී… නෙළුම් මාවත කාර්යාලයේදී සියල්ල ඉදිරියේ මොරටුවේ සමන්ලාල්ට බැණවදී… ගෝල්ෆේස් ප්‍රහාරයේ සුලමුල එළියට… වීඩියෝව මෙන්න.. appeared first on ColomboXnews.

Source From Colomboxnews
Author: Kamal Dhammika
#SriLanka #News #lka