පොලීසියේදී චන්දිමාල් – කැරොලයින් ජූරි ගැන සියල්ල වමාරයි – කිරුළ නැවත පුෂ්පිකාට පළදයි

මේ වසරේ මිසිස් ශ්‍රී ලංකා කිරුළ පැළඳි පුෂ්පිකා ද සිල්වා එකී කිරුළ පැළඳීමෙන් පසු නැවත ඇගෙන් උදුරා දෙවැනි තැන දිනූ තරගකාරියට ලබාදීමට කටයුතු කිරීම නිසා ඊයේ රාත්‍රියේ උණුසුම් වාතාවරණයක් ඇතිවූ අතර මෙම සිදුවීම දැන් නීති මාර්ගයෙන් විසඳාගන්නා තත්වයට පත්ව ඇත.

ලෝක විවාහක  රූ රැජින කැරොලයින් ජූරි , පුෂ්පිකා ද සිල්වා සහ චන්දිමාල් ජයසිංහ යන අය ඉකුත් ඉරිදා සිදු වූ සිදුවීම සම්බන්ධයෙන් ප්‍රකාශ ලබා දීමට කුරුඳුවත්ත පොලිසියට පැමිණ තිබෙනවා.

පුෂ්පිකා ද සිල්වා දික්කසාද වූ බවට චෝදනා එල්ල කරමින් කැරොලයින් ජූරි විසින් තරඟයේ ජයග්‍රාහිකව ලෙස ප්‍රකාශයට පත් කරන ලද පුෂ්පිකා සිල්වාගේ ඔටුන්න ඉවත් කිරීම මෙයට හේතුවයි.

ඒ අනුව ජුරිට එරෙහිව පුෂ්පිකා ද සිල්වා විසින් කරන ලද පැමිණිල්ලකට අනුව ජූරි අද කුරුඳුවත්ත පොලිසියේ මෙලෙස පෙනී සිට තිබෙනවා.

මේ සම්බන්ධයෙන් මාධ්‍යයට ප්‍රකාශයක් කරමින්  චන්දිමාල් ජයසිංහ ප්‍රකාශ කර සිටියේ අදාළ කිරුළ මේ වන විට ස්වර්ණාභරණ ආයතනයක පවතින බවත් එය පුෂ්පිකා ද සිල්වා වෙත නැවත ප්‍රදානය කිරීමට නියමිත බවත්ය..

The post පොලීසියේදී චන්දිමාල් – කැරොලයින් ජූරි ගැන සියල්ල වමාරයි – කිරුළ නැවත පුෂ්පිකාට පළදයි appeared first on ColomboXnews.

Source From Colomboxnews
Author: Kamal Dhammika
#SriLanka #News #lka