පිළිකා කාරක අඩංගු පොල්තෙල් ජාවාරමට සම්බන්ධ හැමෝම එල්ලලා මරන්න ඕනේ – වීරසුමන වීරසිංහ

පිළිකා කාරක අඩංගු පොල්තෙල් රටට නිකුත් කළේ නම් ඊට සම්බන්ධ සියලුම දෙනා එල්ලා මැරිය යුතු බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී වීරසුමන වීරසිංහ මහතා පවසයි. 

“මේ විදියට අයුතු ආකාරයෙන් පොල්තෙල් රටට නිකුත් කළා කියනවා නම් මම කියන්නෙ ඒවාට මැදිහත් වෙච්ච මිනිස්සුන්ව එල්ලලා මරන්න ඕනෙ. පොල්තෙල් කියන්නෙ අපි සෘජු පරිභෝජනය කරන භාණ්ඩයක්. ශරීරයට අහිතකර විෂ සහිත දේවල් ගෙනල්ලා ඔවුන්ගෙ ලාභය වැඩිකරගන්න මැදිහත් වෙනවා නම් ඒ පුද්ගලයින්ටත් ඔවුන්ට උදව් දෙන, රුකුල් දෙන, ඔවුන්ට මඟ පෙන්වන, ඔවුන්ගෙන් සල්ලි අරගෙන ඒකට උදව් කරන කෙනෙක් ඉන්නවා නම් එල්ලලා මරන්න ඕනෙ” යනුවෙනුයි ඒ මහතා සඳහන් කළේ. 

වීරසුමන වීරසිංහ මහතා මේ බව පැවසුවේ ඊයේ (28) මාතර ප්‍රදේශයේ පැවති දේශපාලන රැස්වීමක් අමතමිනි. 

The post පිළිකා කාරක අඩංගු පොල්තෙල් ජාවාරමට සම්බන්ධ හැමෝම එල්ලලා මරන්න ඕනේ – වීරසුමන වීරසිංහ appeared first on ColomboXnews.