ආණ්ඩුවේ ආර්ථික උපාය මාර්ග අසාර්ථක බවත් මේ ආකාරයට ගියහොත් ප්‍රධාන කදවුරු දෙකට එරෙහිව රටේ විකල්ප බලවේගයක් බිහිවීම වැළැක්විය නොහැකි බවත් ශ්‍රී ලංකා පොදුජන පෙරමුණේ කුරුණෑගල දිස්ත්‍රික් පාර්ලිමේන්තු මන්ත්‍රී අනුර ප්‍රියදර්ශන යාපා මහතා පැවැසීය.
ආණ්ඩුව කරන කිසිම දෙයක් ජනතාව නොදන්නවා සේම ඇමැතිවරුන් කියන කිසිම දෙයක් අද ජනතාව විශ්වාස නොකරන බව පැවසූ මන්ත්‍රීවරයා ඇමැති මණ්ඩලය සම්පූර්ණයෙන්ම අසාර්ථක බවද ප්‍රකාශ කළේය.
රටේ විශාල ආර්ථික අර්බුදයක් නිර්මාණයවී පෝලිම් යුගයක් නිර්මාණයවී තිබෙන බවද හෙතෙම සඳහන් කළේය.
ප්‍රජාතන්ත්‍රවාදී රටක් පාලනය කළ යුත්තේ ප්‍රජාතන්ත්‍රවාදී ක්‍රමයට බව පැවසූ ප්‍රියදර්ශන මහතා ජනතාවගේ මූලික අත්‍යවශ්‍ය භාණ්ඩ මේ ආකාරයට දිගින් දිගටම අහස උසට නගිද්දී රටක් පාලනය කිරීම දුෂ්කර වනු ඇතැයිද පැවසුවේය.
ආණ්ඩුව මේ යන්න හදන්නේ කොතැනකටද දැයි තවමත් බලා සිටින බවත් පවතින තත්ත්ව යටතේ මේ ආණ්ඩුවේ ඇමැති තනතුරක් බාර ගැනීමට කිසිම අදහසක් තමාට නැති බවත් අනුර ප්‍රියදර්ශන යාපා මහතා කීවේය .
The post ‘ප්‍රධාන පක්ෂ දෙකට එරෙහිව රටේ විකල්ප බලවේගයක් බිහිවීම වළක්වන්න බෑ’ – පොහොට්ටු මන්ත්‍රී අනුර ප්‍රියදර්ශන appeared first on ColomboXnews.
Source From Colomboxnews
Author: Kamal Dhammika
#SriLanka #News #lka