නීතිය ක්‍රියාත්මක කරද්දී සැකකරුවන්ට වෙඩි වැදිය හැකි බව ආරක්ෂක ලේකම් කමල් ගුණරත්න පෙන්වා දෙයි. පෙරේදා දිනයේදී පොලිස් අත් අඩංගුවේ පසුවූ සැකකරුවෙකු පොලිස් වෙඩි පහරකින් මියයාම වැනි සිදුවීම් නීතියට අනුව කටයුතු කිරීමේදී සාමාන්‍යයි. එය තවත් එක් සිදුවීමක් පමණයි. යනුවෙන් ආරක්ෂක අමාත්‍යාංශ ලේකම්, ජනරාල් කමල් ගුණරත්න මහතා පවසයි.
ප්‍රශ්නය – ලේකම්තුමනි, අපි ඊයේ දැක්කා සැකකරුවෙක් පොලිස් වෙඩි පහරකින් මියයනවා. මොවුන් අනාරක්ෂිතව ගෙනියන නිසා නේද මෙවැනි සිදුවීම් වෙන්නෙ ? කැබ් රථයක ගෙනියලා තියෙන්නෙ … ?
පිළිතුර – “යම්කිසි ආරක්ෂාවක් සහිතව තමයි ගෙනියන්නෙ. පොලිස් වෙඩි පහරින් මියගිය පුද්ගලයා මහ භයානක අපරාධකාරයෙක්.
මේ මිනිස්සු ගාව ගංජා කිලෝ 5ක් තියෙනවා කියලා ඔත්තුව දීපු මනුස්සයාව තමයි ඔය කපා කොටලා දාලා තියෙන්නෙ.
ඉතිං මේ කොච්චර ම්ලේච්ඡ විදියට, කොච්චර දරුණු විදියට මේ මිනිස්සු ඒ පළිගැනීම් කරනවද කිව්වොත් මුළු සමාජයම බිය ගන්වන්න ඒ අය කරන්නෙ. අර මනුස්සයාගෙ කකුල වෙන් වෙන්නම කපලා කකුලත් අරන් ගිහින්.
කරන්න දෙයක් නෑ, නීතිය කාටත් පොදුයි. නීතියට අනුව වැඩ කටයුතු කරනකොට ඔය වගේ සිදුවීම් වෙනවා, මේ තවත් ඒ වගේ එක සිද්ධියක් පමණයි”
අමාත්‍යාංශ ලේකම්වරයා මේ බව පැවසුවේ ජනරාල් ධුරයට උසස්වීම ලැබීමෙන් අනතුරුව ශ්‍රී දළදා මාළිගාව වැඳපුදා ගැනීමට ඊයේ (29) පැමිණි අවස්ථාවේදී මාධ්‍යවේදීන් නැඟූ ප්‍රශ්නයකට පිළිතුරු දෙමිනි.
කෙසේ වෙතත් නීතිය ක්‍රියාත්මක කරද්දී සැකකරුවන්ට වෙඩි වැදීම සාමාන්‍ය බව ප්‍රකාශ කරමින් ආණ්ඩුවේ දේශපාලකයන්ගේ අපරාධ ගැන තොරතුරු දන්නා සැකකරුවන් මරා දැමීම දිගින් දිගටම සිදු වේ.
මෑතකදී එලෙස පොලිසිය අතින් ඝාතනය වූ තවත් ප්‍රබල අපරාධකරුවෙකු වුයේ මාකඳුරේ මදූෂ් ය.
The post නීතිය ක්‍රියාත්මක කරද්දී සැකකරුවන්ට වෙඩි වදින එක සාමාන්‍ය දෙයක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka