නීතිපති තදින් සිටී – මරණ දඩුවම නියමවු චොකාමල්ලීගේ මන්ත්‍රීධුරය අහෝසියි

මරණ දඩුවම ලබා සිටින, ප්‍රේමලාල් ජයසේකර හෙවත් චොකා මල්ලී, පාර්ලිමේන්තු රැස්වීම් සදහා සහාගී නොකිරීමට නීතිපති උපදෙස් මත බන්ධනාගාරය විසින් තීරණය කර ඇති බව වාර්තා වේ.

ඒ අනුව ප්‍රේමලාල් ජයසේකර මහතා මරණ දඩුවමට එරෙහිව අභියාචනයක් ඉදිරිපත්කර තිබුනද මාස තුනක් ගතවීමට පෙර ඔහුට සිය මන්ත්‍රීධුරයේ දිවුරුම්දීමට නොහැකිවීම හේතුවෙන් ඔහුගේ මන්ත්‍රීධුරය අහෝසිවන බව නීති විශාරදයින් පවසයි.

මරණ දඩුවම නියමවූවන්ට අදාල විශේෂ නීතිරිති ප්‍රමාණයක් ක්‍රියාත්මක වන අතර ඒ අනුව ප්‍රේමලාල් ජයසේකරට පාරලිමේන්තුව සැසිවාර සදහා සහභාගීවිය නොහැක.
 
පාර්ලිමේන්තු මන්ත්‍රීවරුන් සදහා අද සහ හෙට විශේෂ වැඩමුළුවක් පැවැත්වෙන අතර, එම වැඩමුළුවට ද ප්‍රේමලාල් ජයසේකරට මෙන්ම, පිල්ලෙයාන්ට ද සහභාගී වීමේ අවස්ථාව අහිමිවන බව පැවසේ.එයට හේතුව වන්නේ, රිමාන්ඞ් බන්ධනාගාරගතව සිටින මන්ත්‍රීවරයෙකුට අවසර ලැබෙන්නේ පාර්ලිමේන්තු සැසිවාරය සදහා සහභාගී වීමේ අවස්ථාව පමණක් වීමයි.

The post නීතිපති තදින් සිටී – මරණ දඩුවම නියමවු චොකාමල්ලීගේ මන්ත්‍රීධුරය අහෝසියි appeared first on ColomboXnews.