නිරෝධායන නීති උල්ලංඝනය කරන පුද්ගලයින් අද (05) සිට අත්අඩංගුවට ගෙන PCR පරීක්ෂණයට හෝ ක්ෂණික ප්‍රතිදේහජනක පරීක්ෂාවට ලක්කිරීමට පියවරගන්නා බව පොලීසිය පවසයි.
මුහුණු ආවරණ නොපළදින හා සමාජ දුරස්ථභාවය පවත්වා නොගැනීම සම්බන්ධයෙන් පොලිස් භාරයට ගනු ලබන පුද්ගලයින්ට එරෙහිව නීතිමය පියවර ගැනීමට අමතරව ඔවුන් මෙලෙස කොවිඩ් පරීක්ෂණ සඳහා යොමුකිරීමට තීරණය කරඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
ගතවු පැය 24 තුළ ද නිරෝධායන නීති උල්ලංඝනය කළ පුද්ගලයින් 74 දෙනෙකු අත්අඩංගුවට ගෙන තිබේ. ඒ අනුව පසුගිය ඔක්තෝබර් මස 30 වනදා සිට මේ දක්වා නිරෝධායන නීති උල්ලංඝනය කිරීම සම්බන්ධයෙන් පුද්ගලයින් 2170 දෙනකු අත්අඩංගුවට ගෙන ඇති බව අජිත් රෝහණ මහතා සඳහන් කළේය.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා මෙසේ ප්‍රකාශ කලද ජනාධිපතිතුමා ඇතුළු දේශපාලන නායකයින් මෙන්ම හමුදාපතිතුමා , උදයංග වීරතුංග වැනි අයද පසුගිය දිනවල ප්‍රසිද්ධියේ නිරෝධායන නීති කඩකරන අයුරු මාද්‍ය ඔස්සේ දැකගත හැකිවිය. නමුත් ඔවුන්ට මෙම නීතිය අදාල නොවන බව මේ අනුව පෙනී යයි.
විශේෂයෙන් තොණ්ඩමන් මහතාගේ අවමගුලේ සිට විවිධ අවස්ථාවල රජයේ ඉහල දේශපාලන අධිකාරය හා ප්‍රභූන් විසින් අමු අමුවේ නිරෝධායන නීති උල්ලංඝණය කලද ඔවුන්ට අජිත් රෝහණ මහතා කියන මෙම නීතිය අදාල නොවීය.
The post නිරෝධායන නීති උල්ලංඝනය කළොත්, දේශපාලනඥයින් හා ප්‍රභූන් හැර සාමාන්‍ය ජනතාව අත්අඩංගුවට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka