නිරෝධායනයෙන් පසු නිවස බලා ගිය හලාවත කාන්තාවකට කොරෝනා

විදෙස්ගතව සිට නැවත මෙරටට පැමිණ නිරෝධායන මධ්‍යස්ථනායක අදාලා නිරෝධායන කාල සීමාව අවසන් කර තම නිවස වෙත ගිය කාන්තාවකට කොවිඩ් වෛරසය ආසාදනය වී ඇති බව තහවුරු වී තිබෙනවා. මෙලෙස තහවුරු කරගෙන තිබෙන්නේ හලාවත ආරච්චිකට්ටුව ප්‍රදේශයේ පදිංචි ගැබිණි කාන්තාවකි.

හලාවත රෝහලේදී සිදුකළ පීසීආර් පරීක්ෂණයේදී ඇයගේ ශරීරය තුළ වෛරසය සක්‍රිය බව තහවුරු වී තිබෙනවා.;

එම කාන්තාව පසුගිය ජුලි මස 31වන දින ඩුබායිහි සිට ලංකාවට පැමිණ ඇති අතර වවුනියාව නිරෝධායන මධ්‍යස්ථානයේ දී නිරෝධායනයට ලක්ව තිබේ. එහිදී සිදුකර ඇති පී.සී.ආර් පරීක්ෂණවල දී ඇය කොවිඩ් ආසාදිතයෙකු නොවන බව තහවුරු වී තිබේ.

23 හැවිරිදි ගැබිනි කාන්තාවක් වන ඇය මේ වන විට හලාවත මූලික රෝහලේ ප්‍රතිකාර ලබන අතර ඇයගේ ආශ්‍රිතයින් නිරෝධායනයට යොමු කිරීමට පියවර ගෙන ඇති බව ද වාර්තා වේ.

මේ වන විට මෙරට කොවිඩ් නයින්ටීන් ආසාදිතයින් සංඛ්‍යාව 2984 දක්වා ඉහළ ගොස් තිබේ.
       

The post නිරෝධායනයෙන් පසු නිවස බලා ගිය හලාවත කාන්තාවකට කොරෝනා appeared first on ColomboXnews.