කුරුණෑගල නගරයේ පිහිටි දෙවන බුවනෙකබා රජුගේ රාජ සභාව කඩා බිඳ දැමීම පිලිබඳ චෝදනාව එල්ල වන කුරුණෑගල මහ නගර සභාවේ සභාපති තුෂාර සංජිව විතාරන මහතා සම්බන්ධයෙන් ශ්‍රීලනිප මහ ලේකම් දයාසිරි ජයසේකර මහතා දැඩි විවේචනයක් කර තිබෙන බව ප්‍රකට කරුණකි.
08 වසරවත් සමත් නැති ගම්වල ඉන්න අය එවැනි තනතුරු වලට පත් කළ විට සිදුවන්නේ මෙවැනි දේවල් බව ජයසේකර මහතාගේ විවේචනයේ අන්තර්ගතය වේ.
කුරුණෑගල නගරාධිපතිවරයා නියෝජනය කරන්නේ පොදුජන පෙරමුණ වන අතර දයාසිරි ජයසේකර මහතාද එළඹෙන මැතිවරණය සඳහා එම දිස්ත්‍රික්කයෙන්ම පොදුජන පෙරමුණට තරඟ වැදීම විශේෂත්වයකි.
ජයසේකර මහතා නගරධිපතිවරයා සම්බන්ධයෙන් මෙවැනි විවේචනයක් කළද 2018.03.28 දින නගරාධිපති ධූරයට පත් කිරීම සඳහා ශ්‍රීලනිපය ප්‍රමුඛ එක්සත් ජනතා නිදහස් සන්ධානයේ සහයෝගය ලැබී ඇති බව අනාවරණය වේ.
2018 පෙබරවාරි 10 පැවති පළාත් පාලන මැතිවරණයේදී කුරුණෑගල මහ නගර සභා ජන්දය ප්‍රතිඵලයට අනුව පොදුජන පෙරමුණට මන්ත්‍රීවරු 08කුත් , එජාපයට ආසන 08කුත්, ශ්‍රීලනිපය ප්‍රමුඛ එජනිසයට ආසන 03කුත්, ජවිපෙට ආසන 1කුත්, සමස්ත ලංකා මුස්ලිම් කොන්ග්‍රසයට 1 ආසනයකුත් ලැබී තිබේ.
පළාත් පාලන නව පනතට අනුව මන්ත්‍රීවරුන්ගෙන් 50%ක් ගැනීමට යම් කණ්ඩායමකට නොහැකි වුවහොත් පළාත් පාලන ආයතනයේ ප්‍රධාන තනතුර සඳහා ජන්දයක් පැවතෙන අතර ඒ අනුව කුරුණෑගල මහ නගර සභාවේ නගරාධිපති ධුරය සඳහා ජන්දයක් පවත්වා ඇත.
එහිදී පොදුජන පෙරමුණ සමඟ ශ්‍රිලනිපය ප්‍රමුඛ එජනිසය තුෂාර සංජිව විතාරණ මහතාට පක්ෂව ජන්දය දී ඇති අතර වරුණ ප්‍රේමතිලක මහතාට පක්ෂව එජනිසය හා මුස්ලිම් කොන්ග්‍රස ජන්දය දී තිබේ.
ඒ අනුව තුෂාර සංජිව මහතා ජන්ද 11:9ක් ලෙස ලබා ගනිමින් නගරාධිපති ධූරය පත්ව තිබේ.
මේ අනුව ශ්‍රීලනිපයේ සහයෙන් පත් වූ නගරාධිපතිවරයා ගැන විවේචනය කිරීමට එහි ප්‍රධාන ලේකම් දයාසිරි ජයසේකර මහතාට අයිතියක් තිබෙනවා දැයි යන්න ප්‍රශ්නයකි.
The post දයාසිරි විවේචනය කරන කුරුණෑගල නගරාධිපති පත් වී තිබෙන්නේ ශ්‍රීලනිපයේ සහයෝගයෙන් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka