තමුන්නාන්සේ ඔහොම කිව්වම අපි කොහොමද ජන්ද කරන්නේ? – අමරවීර, ප්‍රසන්න රණතුංගගෙන් ප්‍රශ්න කරයි

තමුන්නාන්සේ හම්බන්තොටට ඇවිත් ඔහොම කියලා ගියාම අපි කොහොමද මෙහෙ ජන්ද කරන්නේ යැයි මහින්ද අමරවීර අමාත්‍යවරයා ප්‍රසන්න රණතුංග අමාත්‍යවරයාගෙන් විමසීමක් කර තිබෙන බව දේශපාලන ආරංචි මාර්ග සඳහන් කරයි.

ඒ හම්බන්තොටදී සිරිසේනට ගෑවිච්ච එකෙකුටවත් ජන්දය දෙන්න එපා යැයි රණතුංග මහතා ඇමැතූ රැස්වීම් කිහිපයකදී කර තිබෙන ප්‍රකාශය මුල් කොට ගෙනය.

සිරිසේනට නොගෑවිච්ච අය එය ප්‍රශ්නයක් කර ගත යුතු නැති බව රණතුංග මහතා ඊට පිළිතුරු ලෙස අමරවීර මහතාට ප්‍රකාශ කොට ඇති බවද වාර්තා වේ.

තමන් රාජපක්ෂවරුන්ට විශාල ලෙස උදව් කළ අයෙක් බව අමරවීර මහතා රණතුංග මහතාට පවසා ඇති අතර ඒ සම්බන්ධයෙන් රණතුංග මහතා හම්බන්තොට සිය සඟයන් අමතා සඳහන් කොට ඇත්තේ අමරවීර රාජපක්ෂලාට කළ උදව් තමන් දන්නා බවත් ඒවා ප්‍රසිද්ධියේ අසා නොගන්නා ලෙසත්ය.

මහින්ද අමරවීර මහතා මෙවර මහ මැතිවරණයෙන් පොදුජන පෙරමුණට හම්බන්තොටින් තරඟ කරයි.  

The post තමුන්නාන්සේ ඔහොම කිව්වම අපි කොහොමද ජන්ද කරන්නේ? – අමරවීර, ප්‍රසන්න රණතුංගගෙන් ප්‍රශ්න කරයි appeared first on ColomboXnews.

Source From Colomboxnews
Author: Kamal Dhammika
#SriLanka #News #lka