ඥානසාර හිමි හා රතන හිමි ඇනකොට ගනිද්දී ජාතික ලයිස්තු මන්ත්‍රී අසුනත් රැගෙන පක්ෂයේ ලේකම් පලායයි.

අපේ ජන බල පක්ෂයට ලැබී ඇති ජාතික ජාතික ලයිස්තු මන්ත‍්‍රී ධුරය සදහා බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන් හා හිටපු පාර්ලිමේන්තු මන්ත්‍රී පූජ්‍ය අතුරලියේ රතන හිමියන් ඇනකොට ගනිද්දී එම මන්ත්‍රී ධුරය හිමි අපේ ජන බල පක්ෂයේ මහලේකම් මේ වනවිට අතුරුදහන් වී ඇති බව වාර්තාවේ.

මේ අතර මැතිවරණ කොමිසමේ ප්‍රකාශකයෙකු පැවසුවේ, එම පක්ෂයේ  මහලේකම් පූජ්‍ය අස්ගිරියේ විමලවංශ හිමියන් විසින්, තමන් වහන්සේ පාර්ලිමේන්තුව සඳහා තෝරාගෙන ඇති බවට වූ ලිපියක් මැතිවරණ කොමිසම වෙත ඊයේ (07) ලබාදී ඇති බවය.

මේ හේතුවෙන් කිසිදා නොවූ විරූ අන්දමේ අර්බුදයක් එම පක්ෂය තුළ හටගෙන තිබේ. ඒ එම පක්ෂයේ මහලේකම් අස්ගිරියේ විමලවංශ හිමියන් මේ වනවිට අතුරුදහන් වීම නිසාවෙේ මන්ත්‍රී ධුරයට අදාල නිල කටයුතු ඉටුකිරීමට නොහැකිවීම හේතුවෙනි.

උන්වහන්සේ කිසියම් ප්‍රදේශයකට පැනගොස් සැඟවී සිටින බවට එම පක්ෂයේ ඇතැම් සාමාජිකයන් සැක කරයි.

කෙසේ වෙතත් මැතිවරණ කොමිසම පක්ෂයේ මහලේකම්වරයාගේ අත්සන නොමැතිව ඥානසාර හිමියන් හෝ රතන හිමියන්ව මන්ත්‍රීවරයෙක් ලෙස පත් කිරීම සිදුකරන්නේ නැත.

The post ඥානසාර හිමි හා රතන හිමි ඇනකොට ගනිද්දී ජාතික ලයිස්තු මන්ත්‍රී අසුනත් රැගෙන පක්ෂයේ ලේකම් පලායයි. appeared first on ColomboXnews.