ජීවිත තුනක් බිළිගත් පසු පොලීසියේ ඇස් ඇරේ

මහාමාර්ගවල නීතිවිරෝධී හා අපරික්ෂාකාරී ලෙස ධාවනය කරන යතුරුපැදි කණ්ඩායම් අත්අඩංගුවට ගැනීම සඳහා අද සිට විශේෂ මෙහෙයුම් දියත් කරන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසනවා.

මෙරටුව එගොඩඋයන ප්‍රදේශයේදී සිදු වූ මාරාන්තික රිය අනතුරෙන් පසුව මෙවැනි අපරික්ෂාකාරී යතුරුපැදි ධාවකයන් සම්බන්ධයෙන් දැඩි කතාබහක් ඇතිව තිබෙන අතර එහි ප්‍රතිඵලයක් ලෙස පොලීසිය මෙම තීරණයට එළඹ තිබේ.

ඊයේ රාත්‍රියේදී සිදුකළ මෙහෙයුමකදී කිඹුලාවල ප්‍රදේශයේ යතුරුපැදි තරගයක් සඳහා සූදානම්ව සිටි බව කියන යතුරුපැදි ධාවකයන් කණ්ඩායමක් පොලිස් භාරයට ගෙන තිබෙනවා. යතුරුපැදි 24 ක්ද අත්අඩංගුවට ‍ගෙන ඇති බවයි වාර්තා වන්නේ.

මෙම තරුණයන් පිරිසට නඩු පැවරීමට කටයුතු කරන බව පොලිස් මාධ්‍ය ප්‍රකාශකවරයා පවසනවා.

මෙවැනි අපරික්ෂාකාරී ලෙස යතුරුපැදි ධාවනය කරන්නන් හේතුවෙන් පසුගිය කාලයේදී අනතුරු රැසක් සිදු වූ අතර මෙම ගැටලුව පිළිබඳව බොහෝ දෙනාගේ විවේචන එල්ල වී තිබිණි.

කෙසේ වෙතත් ඒ සම්බන්ධයෙන් පොලීසිය මෙතෙක් කිසිදු නිශ්චිත පියවරක් නොගත් අතර පොලීසියේ අවධානය යොමුවීම සඳහා ජීවිත තුනක් බිළිදීමට සිදුවීම අවාසනාවකි.

The post ජීවිත තුනක් බිළිගත් පසු පොලීසියේ ඇස් ඇරේ appeared first on ColomboXnews.

Source From Colomboxnews
Author: Kamal Dhammika
#SriLanka #News #lka