ජනාධිපතිවරණයේදී සහ මහ මැතිවරණයේදී විශාල දායකත්වයක් ලබාදුන් ශ්‍රී ලංකා නිදහස් පක්ෂයට කළගුණ සළකන්නැයි පක්ෂ මහ ලේකම්, රාජ්‍ය අමාත්‍ය දයාසිරි ජයසේකර මහතා ආණ්ඩුවෙන් ඉල්ලීමක් කරයි.
ඒ, අද (16) කොළඹ පැවති මාධ්‍ය හමුවකදීයි.
“මේ ආණ්ඩුව හදන්න මහන්සි වෙච්ච පක්ෂයක් විදිහට ශ්‍රී ලංකා නිදහස් පක්ෂයේ ප්‍රාදේශීය සභා මන්ත්‍රීවරුන්ට මීට වඩා ශක්තියක් මේ ආණ්ඩුවෙන් ලබාදිය යුතුයි. ඒ නිසා අපි ආණ්ඩුවේ බලධාරීන්ගෙන් කිහිපවතාවක්ම ඉල්ලලා තියෙනවා මේක. මේ අයව පැත්තකට විසිකරලා වැඩ කරන්න බෑ. පක්ෂයක් විදිහට අපි බෝඩ් ලෑල්ලකට මේ ආණ්ඩුවත් එක්ක එකතු වුණේ නෑ.” යනුවෙන් ද ශ්‍රී ලංකා නිදහස් පක්ෂ මහ ලේකම්, රාජ්‍ය අමාත්‍ය දයාසිරි ජයසේකර මහතා පැවසීය.
“ජනාධිපතිතුමා සමඟ සාකච්ඡා වට ගණනාවක් ඉල්ලුවා. එකක්වත් අපිට ලැබිලා තිබුණේ නෑ. බැසිල් රාජපක්ෂ මහත්තයා එක්ක සාකච්ඡා කලත් හරයක් නෑ. ප්‍රශ්න ටික එහෙමම තියෙනවා. අපි ඉතාම අසරණ තත්වයට පත්වෙලාතියෙන්නේ මේ ක්‍රියාවලිය තුළ. අපිට ශක්තිය දෙන්න.“ යැයි රාජ්‍ය අමාත්‍යවරයා සඳහන් කළේය.
The post ජනපති හමුවීමටත් බෑ..බැසිල් මඟහරීනවා.. ශ්‍රිලනිපයට කුඩම්මාගේ සැලකිලි – අසරණ වූ දයාසිරි සියල්ල හෙළි කරයි (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka