ජනතාවට ගව මස් කෑමට අයිතියක් තිබෙනවා – මානුෂීය ඝාතකාගාරයක් ඕනෑ – ගව ඝාතන තහනමට කිරි ගොවින්ගේ විරෝධයක්

මෙරට ගව ඝාතනය තහනම් කලහොත් ගැටළු රාශියක් උද්ගත වන වල බව සත්ව නිෂ්පාදන ගොවි සංගමයේ සභාපති කුලරාජ් පෙරේරා මහතා පවසයි. මෙරට ගවපට්ටි වලින් වැඩිපුර සිටින්නේ පිරිමි සතුන් නිසා ඔවුන් ඝාතනය නොකරන්නේ නම් එම සතුන් සම්බන්ධයෙන් වැඩපිලිවෙලක් තිබිය යුතු බව හෙතෙම පෙන්වා දෙයි.

එනිසා මෙම සතුන් මානුෂීය ලෙස ඝාතනය කළ හැකි ඝාතකාගාරයක් ඉදි කළ යුතු බවත් සත්ව හිංසාවෙන් තොරව ගවයන් ඝාතනය කළ හැකි නිසි ක්‍රමවේද සහිත ඝාතකාගාර ඉදි කළ යුතු බවත් ඔහු සඳහන් කළේය.

එසේ නොකළහොත් කිරි ගොවීන්ට මරු පහරක් වනු ඇති බවත් මෙම පිරිමි සතුන් රටට මහා බරක් වනු ඇති බවත් 

වස විස නැතිව ආහාරයට ගත හැකි එකම මස් හරක් මස් බවත් එය තහනම් කිරීමෙන් මිනිසුන් සිය මූලික අයිතිවාසිකමක් නැති වන බවත් එහි පාලක ලේකම්වරයා පැවසීය.

ජනතාවට ගව මස් කෑමට අයිතියක් තිබෙන බවත් මෙම තීරණය නවත්වන්නැයි රජයෙන් ඉල්ලා සිටින බවත් ඔහු වැඩිදුරටත් පැවසීය.

ඔහු මේ බව කියා සිටියේ කොළඹදී පැවති මාධ්‍ය හමුවක් අමතමිනි.

The post ජනතාවට ගව මස් කෑමට අයිතියක් තිබෙනවා – මානුෂීය ඝාතකාගාරයක් ඕනෑ – ගව ඝාතන තහනමට කිරි ගොවින්ගේ විරෝධයක් appeared first on ColomboXnews.