ශ්‍රී ලංකාවට ජාත්‍යන්තර මූල්‍ය අරමුදලේ විස්තීර්ණ අරමුදල් පහසුකම යටතේ වූ සැකසුම ක්‍රියාත්මක කිරීම සඳහා වූ යෝජනා සම්මතයට අදාළව අද (අප්‍රේල් 28) පාර්ලිමේන්තුවේදී ඡන්ද විමසීම සිදු විය.
එහිදී ඊට පක්ෂව ඡන්ද 120ක් ලැබුණු අතර විපක්ෂව ඡන්ද 25ක් හිමි විය. ඒ අනුව, ජාත්‍යන්තර මූල්‍ය අරමුදලේ විස්තීර්ණ අරමුදල් පහසුකම යටතේ වූ සැකසුම ක්‍රියාත්මක කිරීම සඳහා වූ යෝජනාව පාර්ලිමේන්තුවේදී සම්මත විය.
මෙහිදී ජාතික ජන බලවේගය, උත්තර ලංකා සභාගය, නිදහස ජනතා සභාව, TNA සහ පොන්නම්බලම් ම්නත්‍රීවරයා ගිවිසුමට විරුද්ධව ඡන්දය ප්‍රකාශ කරන ලදි.
මේ අතර, විපක්ෂයේ ප්‍රධාන පක්ෂය වන සමගි ජන බලවේගය ඡන්ද විමසීමේදී පක්ෂව හෝ විපක්ෂව ඡන්දය භාවිතා නොකොට දෙබිඩි ප්‍රතිපත්තියක් අනුගමනය කරමින් ඡන්දය වර්ජනය කරමින් සභාවෙන් නැගිට යන ලදි.
මේ අතර අද පස්වරුවේ පැවැති ජාත්‍යන්තර මූල්‍ය අරමුදලට ගිවිසුමට අදාළ ඡන්ද විමසීමේදී සමගි ජන බලවේගය නියෝජනය කළ ඒ.එච්.එම්. ෆවුසි මහතා ඊට පක්ෂව ඡන්දය ලබා දීමට පියවර ගෙන තිබේ. ඒ ඡන්ද විමසුම වර්ජනය කළ යුතු බවට පක්ෂය ගෙන තිබූ තීන්දුවට එරෙහිව යමිනි.
ජාතික ජන බලවේගය ගිවිසුමට එරෙහිව ඡන්දය භාවිතා කරන බව කලින්ම ප්‍රකාශ කර තිබු අතර අද පාර්ලිමේන්තුදී මෙම ගිවිසුම පිලිබදව එහි ඇති බරපතල තත්ත්වය පිලිබදවත් එහි නායක අනුර කුමාර දිසානායක මහතා කරුණු සහිතව දීර්ග පැහැදිලි කිරීමක් කරන ලදි.
The post ගිවිසුම වැඩි ඡන්දයෙන් සම්මත වෙයි… පක්ෂව ඡන්ද 120යි විරුද්ධව ඡන්ද 25යි.. සජිත්ගේ සජබ ඡන්දය නොදී සිටින විට සජබ ෆවුසී ආණ්ඩුවට එක්වෙයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka