ශ්‍රී ජයවර්ධනපුර මහ රෝහලේ නේවාසිකව ප්‍රතිකාර ලැබූ රෝගියෙකු එම රෝහලට පීසීආර් යන්ත්‍රයක් පරිත්‍යාග කර ඇතැයි එහි අධ්‍යක්ෂ විශේෂඥ වෛද්‍ය රත්නසිරි ඒ හේවගේ මහතා පැවැසීය.
කොරෝනා වසන්ගතය ටතුල පැතිරයාමත් සමග ආරම්භ කරන ලද කොවිඩ් අරමුදලට රුපියල් මිලියන දහස් ගණනක් මේ වනවිට ලැබී තිබුණද එම අරමුදල මගින් රෝහල් වලට අවශ්‍ය උපකරණ මේ වනතෙක් ලබාදී නොමැත. මේ හේතුවෙන් මෙරට පීසීආර් පරීක්ෂණ වල බරපතල ප්‍රමාදයක් සිදුවී තිබෙන අතර එම තත්වය අවබෝදකරගත් මෙම රෝගියා විසින් ශ්‍රී ජයවර්ධනපුර මහ රෝහලට මෙම පීසීආර් යන්ත්‍රය පරිත්‍යාග කර තිබේ.
පරිත්‍යාග කෙරුණු පීසීආර් යන්ත්‍රය හා එය ක්‍රියාත්මක කිරීමට අවශ්‍ය රසායනික ද්‍රව්‍යවල වටිනාකම රුපියල් ලක්ෂ 80කට ආසන්න යැයි ද හේවගේ මහතා සඳහන් කළේය.
මෙම පීසී ආර් යන්ත්‍රය මඟින් මේ වනවිට දිනකට දෙවරක් පීසීආර් පරීක්ෂණ සිදුකරන බවත් මේ අනුව දිනකට පරීක්ෂණ 200කට ආසන්න සංඛ්‍යාවක් සිදුකළ හැකි බවත් අධ්‍යක්ෂවරයා කීය.
මේ අනුව එම යන්ත්‍රය ක්‍රියාත්මක කිරීම සඳහා අවශ්‍ය කාර්ය මණ්ඩල බඳවා ගත් බවත් පැවසූ අධ්‍යක්ෂවරයා දැන් ශ්‍රී ජයවර්ධනපුර රෝහලේ බාහිර අංශයට ගොස් ඕනෑම අයෙකුට පීසීආර් පරීක්ෂණයක් කරවා ගැනීමට හැකියාව ඇතැයි ද සඳහන් කළේය.
කොවිඞ් ආසාදිතයෙකු නම් මහජන සෞඛ්‍ය පරීක්ෂක හරහා ද එසේ නොවන්නේ නම් පැය 48කට පසු පස්වරු 3.00 සිට 4.00 දක්වා රෝහලේ විමසීම් කවුළුවෙන් ද වාර්තාව ලබා ගතහැකි බව ද හෙතෙම සඳහන් කළේය.
The post කොවිඩ් අරමුදලින් ලබානොදුන් පීසීආර් යන්ත්‍රය ප්‍රතිකාර ලැබූ රෝගියෙකු ජ’පුර රෝහලට පිරිනමයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka