කෑගල්ලේ පැණිය බිව්වෙ අතිරේක ආහාරයක් විදියට ලියාපදිංචි කරලා තියන නිසා – පියල් නිශාන්ත

කොවිඩ් 19 වෛරසය සුවකළ හැකි ඖෂධයක් සොයාගත් බව පවසන ධම්මික බණ්ඩාර මහතා මේ වනවිට එම කොරෝනා පැණිය රැගෙන පන්සල් ගානේ යමින් සිටී. වෛරසය ආසාදනය වූ රෝගීන් දහස් ගණනක් රෝහල්වල සිටිද්දී ධම්මික බණ්ඩාර යන්නේ දළඳා මාළිගාව වෙතයි, ශ්‍රී මහා බෝධිය වෙතයි.

ඔහු පසුගියදා පාර්ලිමේන්තුවටද පැමිණි අතර කතානායකවරයාට සහ ආණ්ඩු පාර්ශ්වයේ මන්ත්‍රීවරුන් පිරිසකටද ඔහු සිය පැණිය ලබා දී තිබිණි. මන්ත්‍රීවරුන් පිරිසක් එම පැණිය පානය කරන ඡායාරූප ද එළියට පැමිණියේය.

එසේ පාර්ලිමේන්තුවේදී කොරෝනා පැණිය පානය කළ රාජ්‍ය අමාත්‍ය පියල් නිශාන්ත මහතා පවසන්නේ එම පැණිය අතිරේක ආහාරමය ද්‍රව්‍යයක් ලෙස දේශීය වෛද්‍ය අමාත්‍යංශයේ ලියාපදිංචි කර ඇති බැවින් තමන් එය පානය කළ බවයි.

අතිරේක ආහාරයක් ලෙස ලියාපදිංචි කර ඇති යමක් ආහාරයට ගැනීම කිසිදු ගැටලුවක් නොවන බවද ඇමතිවරයා පවසනවා. උත්සව අවස්ථාවකින් පසුව මාධ්‍ය වෙත අදහස් දක්වමිනි.

The post කෑගල්ලේ පැණිය බිව්වෙ අතිරේක ආහාරයක් විදියට ලියාපදිංචි කරලා තියන නිසා – පියල් නිශාන්ත appeared first on ColomboXnews.

Source From Colomboxnews
Author: Kamal Dhammika
#SriLanka #News #lka