“කෑගල්ලෙ පැණි වෙදා” තනිකර තක්කඩියෙක්… අගමැති මහින්දගේ පුද්ගලික වෛද්‍ය එළියන්ත වයිඩ් කියයි.

මේ “කෑගල්ලෙ පැණි වෙදා” තනිකර තක්කඩියෙක්. අවම වශයෙන් ඔහු දේශීය වෛද්‍යවරයෙක්වත් නොවන බව අගමැති මහින්ද රාජපක්ෂ මහතාගේ පුද්ගලික වෛද්‍ය එළියන්ත වයිඩ් මහතා ප්‍රකාශ කරයි.

ඔහු තම ෆෙස්බුක් ගිණුමේ සටහනත් තබමින් පවසන්නේ මෙම වෛද්‍යවරයා කෑගල්ලේ ප්‍රදේශයේ කාලි දේවාලයක් පවත්වාගෙන යන අයෙකු බවයි.පසුගිය දින කිහිපයකට කලින් වතුර මුට්ටි ජලයට එක් කිරීම සම්බන්ධයෙන් එළියන්ත වයිට් මහතා සමාජ මාධ්‍ය ඔස්සේ මෙන්ම මෙරට සෞඛ්‍ය අංශවල දැඩි විවේචනයට ලක්වූ අයෙකි.ඔහු මෙම වෛද්‍යවරයා සම්බන්ධයෙන් මෙවැනි මතයක් පළකරනු ලබන්නේ තමාගේ ප්‍රතිරූපයට මෙය හානියක් වේතැයි බියකින්දැයි බොහෝ දෙනා  ප්‍රශ්න කරයි.

මේ අතර කොරෝනා වෛරසය ශරීරයෙන් ඉවත් කිරීම සඳහා නිෂ්පාදනය කර ඇති බව පවසන දේශීය ඖෂධය (කෑගල්ලෙ පැණි) සෞඛ්‍ය ඇමතිනී පවිත්‍රා වන්නිආරච්චි මහත්මිය විසින්ද පසුගියදාභාවිතා කළාය. සෞඛ්‍ය අමාත්‍ංශයේදී පැවති මාධ්‍ය හමුවකදී ඇය මෙම ඖෂධය භාවිතා කරන ලදී. මෙම කෑගල්ලෙ පැණිය සම්බන්දයෙන් ඉදිරි පරීක්ෂණ කටයුතු සඳහා විශේෂඥ කමිටුවක් පත් කරන ලද බවත් එහි නිගමන අනුව ඉදිරි ක්‍රියාමාර්ග ගන්නා බවත් එහිදී ඇමතිවරිය පැවසීහ.

මෙය නිෂ්පාදනය කල පුද්ගලයා සදහන් කරන්නේ මෙම ඖෂධය පානය කිරීම මගින් ආසාදිතයන්ගේ ශරීරයෙන් කොරෝනා වෛරසය ඉවත් කරන බවත් ආසාදිත නොවන අයෙකු පානය කලහොත් ඔහුට වෛරසය ආසාදනය නොවන බවත්ය.

කෙසේ වෙතත් මෙම පැණිය ඇමතිවරියට හදුන්වාදෙන අවස්ථාවේදී පවා මෙම වෛද්‍යවරයෙක් යැයි කියාගන්නා පුද්ලගයාද කොරෝනා වෛරසයෙන් ආරක්ෂා වීමට මුහුණු ආවරණයක් (Face Mask) පැලද සිටීම සමාජජාල තුල මේ වනවිට දැඩි හාසයට ලක්වී තිබේ.

The post “කෑගල්ලෙ පැණි වෙදා” තනිකර තක්කඩියෙක්… අගමැති මහින්දගේ පුද්ගලික වෛද්‍ය එළියන්ත වයිඩ් කියයි. appeared first on ColomboXnews.