ක්‍රිකට් මූලස්ථානයේ කිහිපදෙනෙකුට කොවිඩ්

කාර්යය මණ්ඩල සාමාජිකයින් කිහිපදෙනෙකුට නව කොරෝනා වෛරසය ආසාදනයවීම හේතුවෙන් ඩුබායිහි පිහිටි ජාත්‍යන්තර ක්‍රිකට් කවුන්සිල මූලස්ථානය තාවකාලිකව වසා තැබීමට සිදුව තිබේ.

ඒ අනුව මූලස්ථාන ගොඩනැගිල්ල විශබීජහරණයට ලක් කිරීමට පියවර ගෙන ඇති බව විදෙස් මාධ්‍ය වාර්තා කළේය.

කාර්යය මණ්ඩලයේ සෙසු සාමාජිකයින්ට දින කිහිපයක් නිවසේ සිට රාජකාරී කටයුතු සිදුකිරීමට ද උපදෙස් ලබා දී තිබේ.

මේ වන විට ඩුබායිහි රැදි සිටින ඉන්දීය ප්‍රිමියර් ලීග් ක්‍රිකට් තරගාවලියට සහභාගි වන කණ්ඩායම්වල ක්‍රීඩකයින් අයි.සි.සී.මූලස්ථානයේ කාර්යය මණ්ඩල සමඟ සම්බන්ධ වීමක් සිදුනොවන බැවින් ඔවුන්ට මෙම තත්ත්වයෙන් බලපෑමක් එල්ල නොවන බව අයි.පි.එල්.බලධාරීන් සඳහන් කර ඇත.

The post ක්‍රිකට් මූලස්ථානයේ කිහිපදෙනෙකුට කොවිඩ් appeared first on ColomboXnews.