මාතර, කඹුරුපිටිය, බණ්ඩාරවත්ත ප්‍රදේශයේ ඉඩම් ආරවුල් සිද්ධියක් මත පොලිස් නිලධාරියෙකු සහ ඔහුගේ බිරිඳ විසින් කාන්තාවකට සහ ඇගේ දරුවාට අමානුෂික ලෙස පහරදී ඇති බව වාර්තා වේ.
මෙසේ පහර කෑමට ලක්ව ඇත්තේ බණ්ඩාරවත්ත ප්‍රදේශයේ පදිංචි 38 හැවිරිදි කාන්තාවක් සහ ඇගේ 14 හැවිරිදි පුත්‍රයා වන අතර පොලිස් නිලධාරියාගේ ප්‍රහාරයෙන් තුවාල ලැබූ කාන්තාව මේ වන විට කඹුරුපිටිය රෝහලේ ප්‍රතිකාර ලබමින් සිටී. ප්‍රහාරයෙන් ඇයගේ හිසට සහ ඇස් වලට බලපෑම් සිදුව ඇති බැවින් ඇයව වැඩිදුර ප්‍රතිකාර සඳහා මාතර මහ රෝහල කරා මාරුකර යැවීමට ද නියමිත බව රෝහල් ආරංචිමාර්ග පැවසීය.
අදාළ කාන්තාව විසින් නිරවුල් නොවූ ඉඩමක වැසිකිළි වලක් කැපීමට යෑමේ සිදුවීමක් මුල්කර ගනිමින් ඇතිවූ බහින්බස් වීමක් හේතුවෙන් පොලිස් නිලධාරියා මෙම අමානුෂික පහරදීම සිදුකර ඇති බව සඳහන්.
එසේම පහර කෑමට ලක්වූ කාන්තාවගේ ඥාතීන් චෝදනා කළේ මේ සම්බන්ධයෙන් පැමිණිලි කිරීම සඳහා කඹුරුපිටිය පොලිසිය වෙත ගිය අවස්ථාවේදී එම පැමිණිල්ල සටහන් කරගැනීමට හෝ පොලිසිය කටයුතු නොකළ බවටය.
The post කඹුරුපිටියේ පොලිස් මැරයෙකුගෙන් කාන්තාවකට හා දරුවෙකුට ප්‍රහාරයක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka