එක්ස්ප්‍රස් පර්ල් නැවෙන් ඩොලර් මිලියන 250ක අල්ලසක් ගත් කවුද මේ චාමර ගුණසේකර? ගෝඨා බලයට ගෙන්න අත දිගහැර වියදම් කල ඔහුගේ පැටිකිරිය එළියට..

එක්සප්‍රස් පර්ල් නැවට අදාළ සිද්ධියේ ඩොලර් මිලියන 250ක මුදලක් තැන්පත් කළ ගිණුමේ හිමිකරු චාමර ගුණසේකර නැමැත්තකු බව මේ වනවිට අනාවරණය වී තිබේ. මොහු හිටපු ජනාධිපති ගෝඨභාය රාජපක්ෂ මහතා වටා සිටි ව්‍යාපාරික වළල්ලේ අයකුද වන අතර පසුගිය ජනාධිපතිවරණයේදී ගෝඨාභය රාජපක්ෂගේ මැතිවරණ ව්‍යාපාරයට අත දිගහැර මුදල් වියදම් කල අයෙකු ලෙස මේ වනවිට අනාවරණය වී තිබේ.

එක්ස්ප්‍රස් පර්ල් නෞකාවේ වන්දි මුදල අඩු කර ගැනීම සඳහා ඩොලර් මිලියන 250ක මුදලක් අල්ලස් ලෙස ශ්‍රී ලාංකිකයෙකු විසින් ලබා ගෙන ඇති බවට අධිකරණ අමාත්‍ය විජයදාස රාජපක්ෂ මහතා විසින් කරන ලද ප්‍රකාශය පිලිබදව මේ වනවිට මහත් ආන්දෝලනයක් හටගෙන තිබේ.

X-Press Pearl රසායනික බහාලුම් සහිත නෞකාව 2021.05.19 දින ලංකාවට අයත් මුහුදු තීරයේ දී, ගිනි ගැනීමකට ලක් වන අතර එම නැව ගිනිබත් වීමෙන්, සමුද්‍ර පරිසරයට සහ ශ්‍රී ලංකාවට අයත් වෙරළ තීරයට බරපතල ලෙස හානි සිදුවිය.

එම නෞකාව ගිනි ගැනීම හේතුවෙන් කැස්බෑවන් ඇතුළු සමුද්‍ර ජීවීන් විශාල වශයෙන් මියගොස්, වෙරළ තීරයට ගොඩ ගැසූ අතර, දැවී ගිය රසායනික ද්‍රව්‍ය නිසා මුහුදු ජලයට හා සමුද්‍ර ජීවීන්ගේ වාසස්ථාන, කොරල් පර, වෙරළ තීරය පාරිසරික වශයෙන් විශාල හානියක් සිදු වූ අතරම කලපු වලට හා මුහුදු ජලයට ද සිදු වූ හානිය මේ යැයි තක්සේරු කිරීමට නොහැකි වුවද, ඒ සදහා ඩොලර් බිලියන 6.2 වන්දි මුදලක් ලබා ගැනීම සඳහා තක්සේරුවක් ඉදිරිපත් වී තිබේ.

ලංකාවේ මුහුදු තීරයේ සිදුවු මෙම එක්ස්ප්‍රස් පර්ල් නෞකාවේ විනාශයට මුලින්ම ඇස්තමේන්තු කල මුදල ඩොලර් බිලියන 30ක් වුවත් පසුව එය ඩොලර් බිලියන 10 දක්වා අඩුවී අවසානයේ ඩොලර් මිලියන 6.2 ලෙස තීරණය විය.

කෙසේ නමුත් එම වන්දි මුදල ලබාගැනීම සදහා වසර දෙකකට වැඩි කාලයක් යනතුරු රජය කටයුතු නොකල අතර ඒ පිටුපස දැවැන්ත කුමන්ත්‍රණයක් පවතින බව පෙනී යයි.

The post එක්ස්ප්‍රස් පර්ල් නැවෙන් ඩොලර් මිලියන 250ක අල්ලසක් ගත් කවුද මේ චාමර ගුණසේකර? ගෝඨා බලයට ගෙන්න අත දිගහැර වියදම් කල ඔහුගේ පැටිකිරිය එළියට.. appeared first on ColomboXnews.

Source From Colomboxnews
Author: Kamal Dhammika
#SriLanka #News #lka