උදයන්තගේ බිස්නස් එකෙන් රට අණතුරේ..! යුක්‍රේනයේ සිට පැමිණි සංචාරකයින් අතරින් තවත් තිදෙනෙකුට කොවිඩ් (වීඩියෝ)

උදයංග වීරතුංගගේ මැදිහත්වීමෙන් මත්තල ජාත්‍යන්තර ගුවන් තොටුපොළ හරහා යුක්‍රේනයේ සිට මෙරටට පැමිණි සංචාරකයින් අතරින් තවත් තිදෙනෙකුට කොවිඩ් 19 වෛරසය ආසාදනය වී ඇති බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි. 

ඒ අනුව එම සංචාරකයින් අතරින් හඳුනාගත් කොවිඩ් ආසාදිතයින් සංඛ්‍යාව 6ක් දක්වා ඉහළ ගොස් තිබේ. ගුවන්යානා දෙකකින් පැමිණි මෙම පිරිස අතර තවත් අයට වෛරසය ශරීරගතවී ඇති බවට සෞඛ්‍ය අංශ සැක පහල කරයි. තවත් පිරිසගේ පී.සී.ආර් වාර්තා ලැබීමට නියමිත බවද වාර්තාවේ.

මෙම යුක්‍රේන සංචාරකයින් රැගෙනඒම උදයංග වීරතුංගගේ මැදිහත්වීම මත සිදුවන අතර ඔහු මහින්ද රාජපක්ෂ පාලන සමයේ යුක්‍රේනයේ හිටපු තානාපතිවරයාය.

විදෙස් රටවල අතරමංව සිටින ශ්‍රී ලාංකික ශ්‍රමිකයින් මෙරටට රැගෙන ඒමට මැදිහත්වීමක් නොකරන වත්මන් ආණ්ඩුව මෙසේ සංචාරකයින් සදහා මෙරටට ගුවන්තොටුපල විවෘත කිරීම සමාජමාධ්‍ය තුලද මේවනවිට දැඩි කතාබහට ලක්වී තිබේ.

මැදපෙරදිග සේවය කරන ශ්‍රී ලාංකික කාන්තාවන් රැකියා අහිමිව මෙරටට පැමිණීමට මුදල් නොමැතිකම නිසා බංගලි ජාතිකයින් සමග පවා ගණිකා සේවයේ නිරිතවන බව ඇතැම් වීඩියෝ පටවල සදහන්වේ.

සබැදි පුවත් – උදයංග වීරතුංග මැදිහත්වීමෙන් මෙරටට පැමිණි යුක්‍රේන සංචාරකයින් තිදෙනෙකුට කොරෝනා

The post උදයන්තගේ බිස්නස් එකෙන් රට අණතුරේ..! යුක්‍රේනයේ සිට පැමිණි සංචාරකයින් අතරින් තවත් තිදෙනෙකුට කොවිඩ් (වීඩියෝ) appeared first on ColomboXnews.

Source From Colomboxnews
Author: Kamal Dhammika
#SriLanka #News #lka