ඉන්ධන මිල සංශෝධනය කළේ රටේ මූල්‍ය ස්ථාවරත්වයට බලපෑමක් ඇතිවීම වැළැක්වීම සඳහා යැයි මුදල් රාජ්‍ය අමාත්‍ය අජිත් නිවාඩ් කබ්රාල් මහතා පවසයි.
ශ්‍රී ලංකා මහ බැංකුව ඒ අවදානම රජයට පෙන්වා දුන් බවද ඔහු සඳහන් කළේය .
කෙසේ වෙතත් ලෝකයේ බොහෝ රටවල ඉන්ධන මිල පවතින්නේ ශ්‍රී ලංකාවට වඩා ඉහළින් යැයි පැවසූ කබ්රාල් මහතා තෙල් නිෂ්පාදනය කරන ඉන්දුනීසියාවේ ඉන්ධන මිල ක්‍රියාත්මක වන්නේද මෙරටට වඩා ඉතාම පොඩි ප්‍රමාණයක අඩු මට්ටමකින් පමණක් බව අනාවරණය කළේය .
යම් හෙයකින් ලෝකයේ තෙල් මිල පහළ වැටුණහොත් එම මුදල මිල ස්ථායිකරණ අරමුදලට බැර කළ හැකි බවට ශ්‍රී ලංකා මහ බැංකුව නිර්දේශ කර ඇති බවත් රටේ මිල ස්ථායිකරණය සඳහා විශේෂ අරමුදලක් ඉදිරියේදී පිහිටුවීමට කටයුතු කරන බවත් අජිත් නිවාඩ් කබ්රාල් මහතා ප්‍රකාශ කළේය.
ඛනිජ තෙල් නීතිගත සංස්ථාව ලබා ඇති පාඩුව බැංකුවලට මෙන්ම ශ්‍රී ලංකා මහ බැංකුවටද යම් ආකාරයකට බලපෑම් ඇති කර ඇතැයි කී මුදල් රාජ්‍ය ඇමතිවරයා එසේම රටේ ණය අනුපාතයටද එම තත්ත්වය බරපතළ ගැටලුවක්වී ඇතැයි පැවසුවේය
අමාත්‍යවරයා දැක්වූ අදහස් මෙතැනින්
The post ඉන්ධන මිල වැඩි කලේ මූල්‍ය ස්ථාවරත්වයට බලපෑමක් ඇතිවීම වැළැක්වීමට – කබ්රාල් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka