අත්‍යාවශ්‍ය ඖෂධ හිඟය හේතුවෙන් රෝගීන් විශාල සංඛ්‍යාවක් බිහිසුණු ජීවිත අවදානමක සිටිද්දී ඇමෙරිකාවෙන් ශ්‍රී ලංකාවට පරිත්‍යාගයක් ලෙස ලැබුණ ඖෂධ තොගයක් දින තුනකින් ලංකාවට ගෙන ආවත් එම ඖෂධ තොගය කටුනායක සිට කොළඹ වෛද්‍ය සැපයුම් මධ්‍යස්ථානය වෙත ගෙන ඒම සඳහා දින 12ක් ගතවී ඇති ආකාරය හෙළි වී තිබේ.
ලෝක සම්භාවනාවට පත් ඇමෙරිකාවේ මායෝ ක්ලිනික්හි වෛද්‍යවිද්‍යාව, පිළිකා සහ රක්තවේදය පිළිබඳ ශ්‍රී ලාංකික සහාය මහාචාර්යවරයෙක් වූ වෛද්‍ය ජිත්ම අබේකොන් මේ සිදුවීම සිය ට්විටර් ගිනුමේ ලියා ජනාධිපතිවරයාගේ අවධානයටත් යොමු කර තිබේ.
දින 12ක් ගතව තිබුණත් තවමත් ප්‍රදානයේ කාර්යයන් අවසන් කර නොමැති බව ඔහු සිය ට්විටර් ගිණුමෙන් දන්වා සිටී.
දැඩි ඖෂධ හිඟය හේතුවෙන් මරණය සමග පොරදබදන ශ්‍රී ලංකවේ අසරණ රෝගී ජීවිත බේරා ගැනීම සඳහා විදේශගත ශ්‍රී ලාංකික ප්‍රජාව විසින් පරිත්‍යාග කළ මෙම ඖෂධ ප්‍රදානයන් අවම වශයෙන් කාර්යක්ෂමතාවයකින් යුතුව නිදහස් කර ගැනීමට වැඩපිළිවෙළක් හදන ලෙස ඔහු ජනාධිපති ගෝඨාභය රාජපක්ෂගෙන් ඉල්ලා ඇත.
ගතවන සෑම තත්ත්පරයක්ම වැදගත් බවත් ජීවිත අනතුරේ බවත් පවන සහාය මහාචාර්ය ජිත්ම අබේකෝන් මෙසේ සටහන් කරයි.
“බෙහෙත් නැතුව මිනිස්සු මැරෙනකොට කටුනායක ඉඳන් කොළඹට අවශ්‍ය බෙහෙත් ගේන්න දවස් 12ක් යන්නේ ඇයි කියලා හොයලා බලන්න. හේතු වාර්තා කර දැනුවත් කිරීම වැඩි කරන්න. මට කිසිවෙකුට දඬුවම් කිරීමට අවශ්‍ය නැත, නමුත් මහජනතාවගේ අභිවෘද්ධිය සඳහා ක්‍රමය වෙනස් කිරීමට මට අවශ්‍යය.”
The post ඇමරිකාවේ සිට දින 03කින් ලංකාවට එවූ අත්‍යාවශ්‍ය ඖෂධ තොගය කටුනාය සිට කොළඹට ගේන්න දින 12ක් ගතවෙලා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka