ප‍්‍රභාකරන් සමඟ සටන් විරාම ගිවිසුමක් ඇති කර ගැනීමට සහ ඇමරිකානු එම් සී සී ගිවිසුමට එකඟ වූ හිටපු දේශපාලකයකු ඉන්දියාවේ ශී‍්‍ර ලංකා තානාපති ලෙස පත් කිරීමෙන් වළකින ලෙස යුරෝපා ශී‍්‍ර ලංකා සංසදය ජනපති ගෝඨාභය රාජපක්‍ෂ මහතාගෙන් ඉල්ලා සිටියි. ඇමරිකානු ඒ්ජන්තවරයකු වූ මෙම හිටපු දේශපාලකයාගේ අබිරහස් කි‍්‍රයා ගැන කර්මාන්ත ඇමැති විමල් වීරවංශ මහතා ද රජයට අනතුරු අඟවා තිබූ බව එම සංසදය කියා සිටියි. යුරෝපා ශී‍්‍ර ලංකා සංසදයේ ප‍්‍රධානි ආචාර්ය රුවන් උඩවත්ත මහතා තවදුරටත් දක්වා ඇත්තේ සතුරු පාර්ශ්ව රජය ඇතුළට උපක‍්‍රමශීලීව රිංගීමට උත්සාහ කරන බවයි. ඇමරිකානු නිලධාරීන් ශී‍්‍ර ලංකාවට පැමිණීමෙන් පසු මුලින්ම හමුවන්නේ මෙම හිටපු දේශපාලකයා බවත් නොබැඳි ජාතීන්ගේ සංවිධානයට එරෙහිව වෙනම සංවිධානයක් ස්ථාපිත කළ යුතු බව ඇමරිකාවට යෝජනා කළේ ද ඔහු බවත් එම සංසදය හෙළි කර ඇත. නෝර්වේ රාජ්‍ය සමග එක්වී ශී‍්‍ර ලංකාව දෙකඩ කිරීමට සැලසුම් කළ මෙම හිටපු දේශපාලකයා ඉන්දියාවේ ශී‍්‍ර ලංකා තානාපති කිරීමට ඇතැම් ප‍්‍රතිගාමී පාර්ශ්ව දරන උත්සාහය ව්‍යර්ථ කරන ලෙසද යුරෝපා ශී‍්‍ර ලංකා සංසදය ජනපති ගෝඨාභය රාජපක්‍ෂ මහතා වෙත දන්වා තිබේ.
The post ඇමරිකානු ඒ්ජන්තවරයකු වූ මිලින්ද ඉන්දියාවේ මහ කොමසාරිස් ධුරයට පත්කරන්න එපා! යුරෝපා ශ්‍රී ලංකා සංසදය ජනපති ගෝඨාගෙන් ඉල්ලයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka