ඇඳිරි නීති සමය තුළ බස්නාහිර පළාතට ඇතුළුවීම, පිටවීම තහනම් ! මංගල උත්සව ඇතුළු සියලු උත්සව තහනම් !

අද (29) මධ්‍යම රාත්‍රියේ සිට බස්නාහිර පළාත තුළ ඇඳිරි නීතිය පැනවීමට තීරණය කර ඇති අතර ලබන සඳුදා පෙරවරු 05 දක්වා එය ක්‍රියාත්මක වේ. මෙම කාලසීමාව තුළ මංගල උත්සව ඇතුළු සියලු මහජන ඒකරාශීවීම් තහනම් වන බවයි පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා අද පැවති මාධ්‍ය හමුවකදී ප්‍රකාශ කළේ.

බස්නාහිර පළාතට පිටතින් ඇතුළුවීම හෝ බස්නාහිර පළාතෙන් පිටවීමද සපුරා තහනම් බව නියෝජ්‍ය පොලිස්පතිවරයා පවසනවා. මේ වනවිට ස්වයං නිරෝධායනය සඳහා යොමුකර ඇති ඇතැම් පුද්ගලයන් පවා සෞඛ්‍ය උපදෙස් නිසි පරිදි අනුගමනය නොකරන බව වාර්තා වී ඇති බැවින් ඇඳිරි නීතිය ක්‍රියාත්මක අවස්ථාවලදී පොලීසිය දැඩි අවධානයෙන් සිටින බවත්, සෞඛ්‍ය නිර්දේශ සහ ඇඳිරි නීතිය කඩ කරන පුද්ගලයන්ට එරෙහිව දැඩිව නීතිය ක්‍රියාත්මක කරන බවත් ඔහු පෙන්වා දෙනවා.

උසස් පෙළ විභාගය සඳහා පෙනී සිටින සිසු සිසුවියන්ට සහ විභාග කටයුතුවලට සම්බන්ධ ගුරුවරුන් ඇතුළු නිළධාරීන්ට ඇඳිරි නීති සමයේදී බාධාවකින් තොරව කටයුතු කිරීමට අවස්ථාව තිබෙන බවද නියෝජ්‍ය පොලිස්පතිවරයා පවසනවා.

The post ඇඳිරි නීති සමය තුළ බස්නාහිර පළාතට ඇතුළුවීම, පිටවීම තහනම් ! මංගල උත්සව ඇතුළු සියලු උත්සව තහනම් ! appeared first on ColomboXnews.

Source From Colomboxnews
Author: Kamal Dhammika
#SriLanka #News #lka