ආණ්ඩුව වෙබ් අඩවි පාලනය කිරීම සඳහා අත තියයි.

වෙබ් අඩවි නියාමනය සඳහා යම් පාලනයක් අවශ්‍ය බවත් ඒ සඳහා නිසි වැඩපිළිවෙලක් ඉදිරි සති දෙක තුළ ක්‍රියාත්මක කරන  බවත් ජනමාධ්‍ය අමාත්‍ය කෙහෙළිය රඹුක්වැල්ල මහතා පවසයි. 

අමාත්‍යවරයා මේ බව ප්‍රකාශ කර තිබුණේ පෙරේදා (21) පාර්ලිමේන්තුවේදී පැවති ජනමාධ්‍ය කටයුතු පිළිබඳ අමාත්‍යාංශයීය උපදේශක කාරක සභාවට එක්වෙමිනි. 

එසේම අසාධාරණ මඩගැසීම් පාලනය කිරීම සඳහා ජනමාධ්‍ය නියාමනයක් අවශ්‍ය බව පැවසූ ඒ මහතා පුරවැසියන්ගේ ආත්ම ගෞරවය ආරක්ෂා වන පරිදි කටයුතු කිරීම වෙනුවෙන් පුවත්පත් මණ්ඩල පනත සංශෝධනය කළයුතු බවත් අවධාරණය කළේය. 

කෙසේ වෙතත් මේ වනවිට වත්මන් ආණ්ඩුව විසින් වෙබ් අඩවි සහ සමාජජාල මාධ්‍ය මර්දනය සදහා සෘජුවම කටයුතු කරමින් සිටින අතර 200කට අධික පිරිසක් මේ වනවිටත් නීතිය ඉදිරියට පමුණුවා ඇත.

ඊයේ(22) දිනය තුලද ජොන්ස්ටන් ඇමතිවරයාගේ බදු වංචාවක් සම්බන්දයෙන් මාධ්‍ය සාකච්ඡාවක් පැවැත්වූයේ යැයි පවසමින් වත්මන් ආණ්ඩුව බලයට ගෙනඒමට කැපවී වැඩ කල සිංහලේ සංවිධානයේ මැඩිල්ලේ පඤ්ඤාලෝක හිමියන්ගේ විහාරස්ථානයට අපරාධ පරීක්ෂණ දෙපාර්තමේන්තුවෙන් කඩා පැන ප්‍රශ්ණ කර තිබේ.

The post ආණ්ඩුව වෙබ් අඩවි පාලනය කිරීම සඳහා අත තියයි. appeared first on ColomboXnews.