ආණ්ඩුව ගැන කිසිම සතුටක් නෑ.. ජනතාව අප‍්‍රසාදයෙන් ඉන්නෙ.. ජනතාව නිසැකවම වීදි බසීවි – පොහොට්ටු මන්ත්‍රී ජෝන් සෙනෙවිරත්න

දිගින් දිගටම රටේ ආර්ථිකය බිඳ වැටීමට ලක් වුවහොත් ආණ්ඩුවට එරෙහිව ජනතාව ඉදිරියට පැමිණීමට නිශ්චිත බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජෝන් සෙනෙවිරත්න මහතා සඳහන් කරයි.

ආණ්ඩුව පිළිබඳ ජනතාව සතුටක් නැතත් පක්ෂයක් ලෙස ඉදිරියට යා යුතු බැවින් සියල්ල දෙස නිහඬව හොඳින් බලා සිටින බවද මන්ත්‍රීවරයා පැවසීය.

පක්ෂයේ නායකයන් රටේ අර්බුදයට ප‍්‍රතිචාර සෙවීමට සෙසු මන්ත්‍රීවරුන් සමඟ කිසිවක් සාකච්ඡා නොකළද රටට හොඳක් සිදු වනවා නම් තමන්ට එය ගැටළුවක් නැති බව ද ඔහු සදහන් කරයි.

මේ අතර අද වන විට ආණ්ඩුව පිළිබඳව විශාල අප්‍රසාදයකින් ජනතාව සිටින නමුත් ආණ්ඩුවට ඇති අප්‍රසාදය හේතුවෙන් සමගි ජන බලවේගය කිසිවිටෙක ජනතාවට අතරට යාමට නොහැකි බව ද ඔහු පෙන්වා දෙයි. වත්මන් ආණ්ඩුව එළවා දමා බලයට පත්වීමට සජිත් ප්‍රේමදාස මහතා දකින සිහිනය සිහිනයක්ම පමණක් වන බවද ඔහු තවදුරටත් පැවසීය.

The post ආණ්ඩුව ගැන කිසිම සතුටක් නෑ.. ජනතාව අප‍්‍රසාදයෙන් ඉන්නෙ.. ජනතාව නිසැකවම වීදි බසීවි – පොහොට්ටු මන්ත්‍රී ජෝන් සෙනෙවිරත්න appeared first on ColomboXnews.