ආගම් වලට අපහාස කල නතාෂාට වැඩ වරදින ලකුණූ..! පොලිස් මුලස්ථානයට, CIDයට පැමිණිලි ගලා එයි..!

බුදු දහමට, ඉස්ලාම් ආගමට සහ කිතු දහමට අපහාස කරන ලද තරුණියක් සම්බන්ධයෙන් අද (27) අපරාධ පරීක්ෂණ දෙපාර්තමේන්තුවට පැමිණිලි ඉදිරිපත් වුණා.

කොළඹ ප්‍රධාන පාසලක පැවති ප්‍රහසන වැඩසටහනක් ඉදිරිපත් කිරීමට නතාෂා නමැති තරුණියකට පසුගියදා අවස්ථාව හිමිවුණා. 

ඇය ඉදිරිපත් කිරීම ආරම්භයේ සිටම බෞද්ධ ආගමට, කිතුණු ආගමට හා ඉස්ලාම් ආගමට අපහාස කරමින් නරඹන්නන් සිනහා ගැස්වීම සිදුකර තිබුණා.

ප්‍රේක්ෂකාගාරය ද ඊට ප්‍රතිචාර දැක්වූයේ කොක්හඬ ලා සිනහා නගමින්.

ඇය බෞද්ධ පාසල් ද ප්‍රසිද්ධියේ බරපතළ ලෙස විවේචනය කළාඑම වීඩියෝ පටයෙන් බුදුදහමට අගෞරවයක් සිදුවන බව පවසමින් පූජ්‍ය බලංගොඩ කස්සප හිමියන් ද පොලිස් මූලස්ථානයට පැමිණිල්ලක් ඉදිරිපත් කළා.. 

ඒ ප්‍රකාශය තුළ අපහාසය පමණක් නොව නරක වචන පවා ගැබ්වී තිබුණා.

වර්තමානයේ සම්බුදු සසුනට එල්ල වන බලපෑම් ඉහළ ගොස් ඇති බව ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා පවසනවා.

බණ්ඩාරගම – රේරුකාන ශ්‍රී වර්ධනාරාම විහාරස්ථානයේ පැවති උත්සවයකට එක්වෙමිනුයි ඔහු මේ බව කියා සිටියේ.

මේ අතර, දිගින් දිගටම බුදු දහමට එල්ල වන අපහාස වලට එරෙහිව නීතිය ක්‍රියාත්මක කරන ලෙස ඉල්ලමින් අස්ගිරි මහා විහාර පාර්ශවයේ පුත්තලම දිස්ත්‍රික් ප්‍රධාන සංඝනායක ශාස්ත්‍රපති පූජ්‍ය මිගෙට්ටුවත්තේ සුමිත්ත හිමියන් පොලිස්පතිවරයාට ලිපියක් යොමුකර තිබෙනවා.

ජනාධිපතිවරයාට, අග්‍රාමාත්‍යවරයාට, නීතිපතිවරයාට, බුද්ධ ශාසන අමාත්‍යාංශ ලේකම්වරයාට සහ බෞද්ධ කටයුතු කොමසාරිස්වරයාට ද අදාළ ලිපියේ පිටපත් යොමුකර ඇති බව සඳහන්.

එමෙන්ම, මෝඩාභිමානය නමින් සංවිධානය කර තිබූ වැඩසටහනක් සම්බන්ධයෙන් මේ දිනවල සමාජ මාධ්‍ය ඔස්සේ සංසරණය වන වීඩියෝව පිළිබද සොයා බලා විමර්ශන සිදුකරන බව බුද්ධ ශාසන, ආගමික සහ සංස්කෘතික කටයුතු අමාත්‍ය විදුර වික්‍රමනායක මහතා පවසනවා.

එම වීඩියෝ පටයෙන් බුදුදහමට අගෞරවයක් සිදුවන බව පවසමින් පූජ්‍ය බලංගොඩ කස්සප හිමියන් ද පොලිස් මූලස්ථානයට පැමිණිල්ලක් ඉදිරිපත් කළා.

එමෙන්ම, අල්ලසට දූෂණයට නාස්තියට එරෙහි පුරවැසි සංවිධානය ද මේ සම්බන්ධයෙන් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබෙනවා.

The post ආගම් වලට අපහාස කල නතාෂාට වැඩ වරදින ලකුණූ..! පොලිස් මුලස්ථානයට, CIDයට පැමිණිලි ගලා එයි..! appeared first on ColomboXnews.

Source From Colomboxnews
Author: Kamal Dhammika
#SriLanka #News #lka