‘9 වෙනිදා අරලියගහ මන්දිරේ රැස්වීමේ අපිත් හිටියා. රැස්වීම අවසානයේ මුග්ධ දේශපාලඥයන් කිහිප දෙනෙක් එතෙන්ට ආපු ජනතාවට අනියම් බලපෑමක් කලා. ඒක අපි පිලිගන්නට අවශ්යයයි. ඒ බලපෑමට නතු වෙලා, ආපු පිරිසෙන් සියයට දහයටත් අඩු ප්රමාණයක් ගෝටාගමට පහරදෙන්න ඕනේ කියන මානසිකත්වයෙන් මෙ ්ගාලු පාරේ ගමන් කලා.‘ යැයි ද ඒ අනුව ප්රහාරය සිදුවු බව ගාල්ල දිස්ත්රික් මන්ත්රී රමේෂ් පතිරණ මහතා අද(18) පාර්ලිමේන්තුවේදී පැවසීහ.
අරලියගහ මන්දිරයේ සිට පැමිණෙන පිරිසට කදුළු ගෑස් හෝ ජල ප්රහාර එල්ල නොකරන ලෙස පොලිස්පතිවරයා විසින් දේශබන්දු තෙන්නකෝන් නියෝජ්ය පොලිස්පතිවරයාට උපදෙස් ලබාදී තිබුණ බව ඔහු කියනවා. මන්ත්රී රමේෂ් පතිරණ පවසන්නේ අනුර කුමාර දිසානායක මන්ත්රීවරයා මේ පිළිබඳව කළ කථාව ඇත්ත බවයි. ගෝල්ෆේස් වෙත එල්ල වූ ප්රහාරය නවත්වන එපා කියා නියෝග කළේ පොලිස්පතිත් මහජන ආරක්ෂක අමාත්යාංශයේ ලේකම් කියන එක ඇත්තක් බවයි ඔහු කියන්නේ.
වැඩි දුරටත් අදහස් දැක්වු ඒ මහතා..,
මම එතන ඉඳගෙන නියෝජ්ය පොලිස්පති තෙන්නකෝන් ට කතා කරලා කිව්වා මෙහෙම අවාසනාවන්ත සිදුවීමක් සිද්ධ වෙන්න යනවා කරුණාකරලා මේක නවත්වන්න කියලා. ඔහු කිව්වා
“කිසිම ගැටලුවක් නෑ සර් රෝඩ් බ්ලොක්ස් දාලා තියෙන්නේ. අපි මේක නවත්වනවා” කියලා.
එයින් පස්සේ මම ජනාධිපති මන්දිරේට ගියා එන තිබුනු රැස්වීමට.
එතනදී ආශු මාරසිංහ මංත්රී තුමා මට කතා කරලා කිව්වා ලොකු ගැටලුවක් වෙනවා ගෝල්ෆේස් එකේ. මේක නවත්වන්න කියලා. අපි රැස්වීමේ හිටපු ජනාධිපති තුමාට කිව්වා මෙහෙම ප්රශ්ණයක්. මේක නවත්වන්න කියලා. එතකොට දවල් 12.45යි.
ජනාධිපති තුමා DIG තෙන්නකෝන්ට කතා කරලා ඇහුවා තමුසෙට මම උදේ කිව්වා නේද මේක නවත්වන්න කියලා තමුසේ මොකද්ද කලේ කියලා.
එතකොට DIG තෙන්නකෝන් කිව්වා ,මට පොලිස්පති තුමා කිවිවා කදුලු ගෑස් ගහන්න එපා වතුර ගහන්න එපා මේක නවත්වන්න එපා කියලා. “අයිෂේ තමුසෙට මම ජනාධිපති කියන්නේ මේක නවත්වනවා!” කියලා ජනාධිපති තුමා කිව්වා.
ඊට පස්සෙ තමයි කඳුලු ගෑස් ගහලා වතුර ගහලා පිරිස විසුරුවා හැරියේ.
The post “අපේ මුග්ධ දේශපාලඥයන් කිහිප දෙනෙක් ගෝල්ෆේස් ප්රහාරය සැලසුම් කලා.. දේශබන්ධු තෙන්නකෝන්, පොලිස්පති සහ කමල් ගුණරත්න එයට උදව් කලා..“ – රමේෂ් පතිරණ අද පාර්ලිමේන්තුවේදී සියල්ල හෙළිකරයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka