“අපි කෑගල්ලේ පැණියට සහතිකයක් දුන්නේ නෑ” – ආයුර්වේද ඇමති සිසිර ජයකොඩි දැන් කියන කතාව (වීඩියෝ)

ධම්මික බණ්ඩාර මහතා විසින් නිපදවූ පැණිය සඳහා ආයුර්වේද දෙපාර්තමේන්තුව විසින් සහතිකයක් නිකුත් නොකළ බව දේශීය වෙදකම් ප්‍රවර්ධන රාජ්‍ය අමාත්‍ය සිසිර ජයකොඩි මහතා පවසනවා. එවැනි ලේඛනයක් නිකුත් කරන්නේනම් එය සිදුවන්නේ ආයුර්වේද කොමසාරිස්වරයා හරහා බව පෙන්වා දෙන රාජ්‍ය අමාත්‍යවරයා වැඩිදුරටත් පවසන්නේ ඊයේ දින සිදුවූයේ කුමක්ද යන්න පිළිබඳව තමන්ට පවා නොවැහෙටන බවයි.

මේ අතර මාධ්‍යෙව්දීන් ප්‍රශ්ණ ඇසිමට සුදානම් වනවිට “පැණිය ගැන අහන්නෙ නැතුව වෙන ඕනෙ එකක් අහන්න” යනුවෙන් ඇමතිවරයා ප්‍රකාශ කරන ලදි.

කෙසේ වෙතත් කොවිඩ් වෛරසය මර්ධනය කිරීමට කෑගල්ලේ කාලි දේවාලයේ කපුමහතා වන ධම්මික බණ්ඩාර ලෙස හඳුන්වාගන්නා පුද්ගලයෙකු විසින් ඉදිරිපත් කරන ලද පැණියට අනුමැතිය ලබා දෙන සහතිකයක් ඔහු වෙත පිරිනැමීම ඊයේ (23) දිනයේදී සිදු වු බව මාධ්‍ය වල වාර්තා විය.

ඊට අදාල ලිපිය කිසියම් පිරිසක් විසින් ඊයේ දින ධම්මික මහතා වෙත ලබා දුන් අතර ඔහු එම ලිපිය භාරගැනීම ප්‍රතික්ෂේප කර සිටියා.

මෙය තමන් බලාපොරොත්තු වූ සහතිකය නොවන බවත් එය වැරදි සහතිකයක් බවත් පැවසූ ඔහු “මට මේ කෙහෙල්මල් ඕන නෑ” යනුවෙන්ද එහිදී ප්‍රකාශ කරන ලදි.

ඊයේ දින සිදුවූ සිදුවීම මෙම වීඩියෝවෙන්

The post “අපි කෑගල්ලේ පැණියට සහතිකයක් දුන්නේ නෑ” – ආයුර්වේද ඇමති සිසිර ජයකොඩි දැන් කියන කතාව (වීඩියෝ) appeared first on ColomboXnews.