“අධිකරණයට අපහාස කළ” පොහොට්ටුවේ අජිත් ප්‍රසන්නට බරපතළ වැඩ සහිත වසර හතරක සිර දඬුවම්

අධිකරණයට අපහාස කිරීමේ චෝදනාවට වැරදිකරු වූ විශ්‍රාමික යුද්ධ හමුදා මේජර් නීතිඥ අජිත් ප්‍රසන්නට ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලේ බහුතර විනිසුරුවරු විසින් බරපතළ වැඩ සහිත වසර හතරක සිර දඬුවම් නියම කරනු ලැබ තිබේ.

ඊට අමතරව රුපියල් ලක්ෂ 3ක දඩයක් ද නියම කළ විනිසුරුවන් එම දඩ මුදල ගෙවීම පැහැර හරිනු ලැබුවහොත් අමතරව තවත් මාස හයක සිරදඬුවම් නියම කරන බව ද නියෝගයේ සඳහන් කර ඇත.

ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලේ ප්‍රීති පද්මන් සූරසේන සහ එස්. තුරෙයි රාජා යන බහුතර විනිසුරුවරුන් විසින් මෙම තීන්දුව ප්‍රකාශයට පත් කරනු ලැබ තිබේ.

විශ්‍රාමික යුද්ධ හමුදා මේජර් නීතිඥ අජිත් ප්‍රසන්න ශ්‍රී ලංකා පොදුජන පෙරමුණේ ක්‍රියාකාරී සාමාජිකයෙකු වන අතර දකුණු පලාත්සභා මන්ත්‍රීවරුයෙකු ලෙසද කටයුතු කලේය. පසුගිය ජනාධිපතිවරණයේදී ගෝඨාභය රාජපක්ෂ මහතාගේ ජයග්‍රහණය වෙනුවෙන් කැපවී වැඩකල පුද්ගලයින් අතර මොහුද කැපීපෙනේ.

The post “අධිකරණයට අපහාස කළ” පොහොට්ටුවේ අජිත් ප්‍රසන්නට බරපතළ වැඩ සහිත වසර හතරක සිර දඬුවම් appeared first on ColomboXnews.