අද හමු වූ කොවිඩ් ආසාදිතයින් ගණන 10ක්

අද (17) දිනය තුළදී කොවිඩ් -19 ආසාදිතයින් 10 දෙනෙකු හමු වූ බව වසංගත රෝග විද්‍යා අංශය පවසයි.

මීට සුළු මොහොතකට පෙර ඉන් 6 දෙනෙකු හමු වූ බව එම අංශය පැවසීය. ඉන් තිදෙනෙක් කන්දකාඩු පුනරුත්ථාපන මධ්‍යස්ථානයේ රැඳවියන් වන අතර අනෙක් තිදෙනා සේනපුර පුනරුත්ථාපන මධ්‍යස්ථානයේ රැඳවියන් වේ.

අද හමු වූ ඉතිරි ආසාදිතයින් වන්නේ, ඉන්දියාවේ සිට පැමිණ නිරෝධායනයට ලක්වෙමින් සිටි පුද්ගලයෙක්, රාජාංගනයේ 12 හැවිරිදි පාසල් සිසුවෙක්, කන්දකාඩු පුනරුත්ථාපන මධ්‍යස්ථානයේ ආසාදිතයෙකුගේ සමීපතමයින් දෙදෙනෙක් වශයෙනි.

ඒ අනුව මෙරටින් හමු වී ඇති  මුළු ආසාදිතයින් ගණන 2697ක් වන අතර ඉන් 2012 දෙනෙක් මේ වනවිට පූර්ණ සුවය ලබා ඇත. රෝහල්ගතව ප්‍රතිකාර ලබන ආසාදිතයින් ගණන 674කි

The post අද හමු වූ කොවිඩ් ආසාදිතයින් ගණන 10ක් appeared first on ColomboXnews.

Source From Colomboxnews
Author: Kamal Dhammika
#SriLanka #News #lka