අදත් කොවිඩ් ආසාදිතයින් සිව්දෙනෙක් වාර්තා වෙයි

කොවිඩ්-19 ආසාදිතයින් සිව්දෙනෙකු හඳුනාගත් බව සෞඛ්‍ය අංශ පවසති. සේනපුර පුනරුත්ථාපන මධ්‍යස්ථානයේ සිටි පුද්ගලයෙක්, එක්සත් අරාබි එමීර් රාජ්‍යයේ සිට පැමිණි දෙදෙනෙක් සහ ඉන්දියාවේ චෙන්නායි නුවර සිට පැමිණි එක් අයෙක් ඒ අතර වෙති.

ඒ අනුව, මෙරට සමස්ථ කොවිඩ්-19 ආසාදිතයින් ගණන 2838 දක්වා ඉහළ ගොස් ඇත.

රෝගීන් 13 දෙනෙකු අද (05) සුවය ලැබීමත් සමග, සුවය ලැබූ සමස්ථ කොවිඩ්-19 ආසාදිතයින් ගණන 2537ක් දක්වා ඉහළ ගොස් තිබේ.

ඒ අනුව තවත් රෝගීන් 290 දෙනෙකු රෝහල්ගතව ප්‍රතිකාර ලබමින් සිටින බව සෞඛ්‍ය අමාත්‍යාංශය සඳහන් කළේය.

The post අදත් කොවිඩ් ආසාදිතයින් සිව්දෙනෙක් වාර්තා වෙයි appeared first on ColomboXnews.