කෙරවලපිටිය යුගදනවි විදුලි බලාගාරය සම්බන්ධයෙන් මතුව ඇති ගැටලුකාරී තත්ත්වය පිළිබඳව මුදල් අමාත්‍යාංශය විසින් කැබිනට් මණ්ඩලය දැනුවත් කිරීමට පියවර ගෙන තිබේ.
ලබන සඳුදා දිනය් පැවැත්වෙන කැබිනට් මණ්ඩලයේ දී අදාළ දැනුවත් කිරීම සිදුකිරීමට නියමිත බව වාර්තා වේ.
අදාළ ගිවිසුමට එරෙහිව මේ වන විටත් පාර්ශව කිහිපයක් විසින් ශ්‍රේෂ්ඨාධිකරණය හමුවේ මුලික අයිතිවාසිකම් පෙත්සම් ගොනුකර ඇති අතර අදාළ පෙත්සම් ලබන 16 සහ 17 යන දෙදින පංච පුද්ගල විනිසුරු මඩුල්ලක් හමුවේ සලකා බැලීමට නියමිතය.
යුගදනවි බලාගාරය සම්බන්ධයෙන් වරාය අමාත්‍ය රෝහිත් අබේගුණවර්ධන මහතා මෙසේ අදහස් පළ කළේය.
“යුගදනවි බලාගාරය සම්බන්ධයෙන් බොහොම පැහැදිලිව මුදල් අමාත්‍යාංශ ලේකම්තුමා සමග සාකච්ඡාවක් පැවැත්වුවා. ඒ වගේම ලබන සතියේ පැවැත්වෙන කැබිනට් රැස්වීමේ දී මුළු කැබිනට් මණ්ඩලයටම මේ තත්ත්වය පැහැදිලි කිරීමක් සිදුවෙනවා මුදල් අමාත්‍යාංශය තුළින්. ඒ ක්‍රියාත්මක වීමේ දී අපි බලාපොරොත්තු වෙන්නේ මේ රටේ ජනතාවට ඉතාම අඩු මිලකට විදුලිය ලබාදීම. මේ කරන වැඩෙන් අඩු මුදලකට නම් ලැබෙන්නේ අපි ඒකට කැමැති වෙන්න ඕනේ. හැබැයි අපි විරුද්ධ වෙනවා නම් අඩුවට ලැබෙන එකට ඒකට වෙන හේතුවක් තියෙන්න ඕනේ.”
The post යුගදනවි ඇමරිකාවට දීම ගැන සංවේදී ප්‍රකාශයක් ලබන සතියේදී කැබිනට් මණ්ඩලය හමුවට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka