ජනපති මැදුරේ සිට Wi-Fi කෝල් ගත්ත අය අත්අඩංගුවට ගැනීම පොලීසිය තොරතුරු සොයයි

ජනාධිපති මන්දිරයේ ඇති Wi-Fi භාවිත කරමින් ඉන්ටර්නෙට් ඔස්සේ දුරකතන ඇමතුම් ලබාගත් අය අත්අඩංගුවට ගැනීම සදහා පොලිසිය විමර්ශනයක් ආරම්භ කර තිබේ.

මෙම පුද්ගලයන් මෙලෙස ඉන්ටර්නෙට් භාවිත කරමින් ඇමැතුම් ලබාගෙන ඇත්තේ අරගලකරුවන් ජනාධිපති මන්දිරය අත්පත් කර ගැනීමෙන් අනතුරුව බව පොලිසිය සඳහන් කරයි.

පොලිසිය මේ වන විට එම දුරකතන දත්ත වාර්තා අධ්‍යයනය කරමින් සිටින අතර මීට සම්බන්ධ වූවන් අත්අඩංගුවට ගෙන ප්‍රශ්න කිරීමට නියමිත බව ද වාර්තා වේ.

මේ අතර, ජනාධිපති මන්දිරයට ඇතුළු වී ඊට අලාභ හානි කළ පුද්ගලයන් 100කට අධික පිරිසක ඇඟිලි සටහන් මේ වන විට හඳුනා ගෙන ඇති අතර අපරාධ වාර්තා කොට්ඨාසය එම ඇඟිලි සලකුණු සම්බන්ධව විමර්ශනයක් ආරම්භ කර තිබේ.

ඇඟිලි සටහන්වලට අදාළ පුද්ගලයන් අත්අඩංගුවට ගැනීමට ඔවුන් විදේශගත වීමට ගන්නා උත්සාහයන් වැළැක්වීම සඳහා එම තොරතුරු ආගමන විගමන දෙපාර්තමේන්තුව වෙත ලබා දීමට ද පොලිසිය පියවර ගෙන ඇත.

The post ජනපති මැදුරේ සිට Wi-Fi කෝල් ගත්ත අය අත්අඩංගුවට ගැනීම පොලීසිය තොරතුරු සොයයි appeared first on ColomboXnews.