අපරාධ පරීක්ෂණ දෙපාර්තමේන්තුවේ (CID) අධ්‍යක්ෂ, ජ්‍යෙෂ්ඨ පොලිස් අධිකාරි නිශාන්ත ද සොයිසා මහතාට වහාම ක්‍රියාත්මක වන පරිදි ස්ථාන
මාරුවීමක් ලබා දී තිබේ.
ඒ අනුව, ජ්‍යෙෂ්ඨ පොලිස් අධිකාරි නිශාන්ත ද සොයිසා මහතා පොලිස් මූලස්ථාන අපරාධ කොට්ඨාශය වෙත මාරු කර යවා තිබෙන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.
මේ අතර අපරාධ පරීක්ෂණ දෙපාර්තමේන්තුවේ (CID) නව අධ්‍යක්ෂවරයා ලෙස ජ්‍යෙෂ්ඨ පොලිස් අධිකාරි රොහාන් ප්‍රේමරත්න මහතා පත් කර අති බව පොලිස් මාධ්‍ය ප්‍රකාශකවරයා සඳහන් කළේය.
පොලිස් මාධ්‍ය ප්‍රකාශකවරයා පැවසුවේ, සේවා අවශ්‍යතා මත මහජන ආරක්ෂක අමාත්‍යාංශයේ ලේකම්වරයාගේ අනුමැතියට යටත්ව මෙම ස්ථාන මාරුවීම් සිදු කර තිබෙන බවය.
Source From colombotoday
Author: ctadmin
#SriLanka #News #lka