ලබන බ‍්‍රහස්පතින්දා (11) දිනයේ රජයේ නිවාඩු දිනයක් යෙදි ඇති බැවින්, අගෝස්තු 8 සිට 12 වැනි දා දක්වා සතිය තුළ සඳුදා, අඟහරුවාදා සහ බදාදා දිනවල පමණක් පාසල් පැවැත්වීමට තීරණය කර ඇතැයි අධ්‍යාපන අමාත්‍යාංශය පවසයි.
නිවේදනයක් නිකුත් කරමින් අධ්‍යාපන අමාත්‍යාංශය සඳහන් කරන්නේ, සිකුරාදා දිනයේ සිසු සිසුවියන්ට නිවෙස් පාදක ක‍්‍රියාකාරකම් ලබාදීම හෝ මාර්ගගත ක‍්‍රමයට ඉගැන්වීම් කටයුතු සිදු කිරීමට පියවර ගත යුතු බවයි.
ප‍්‍රවාහන අපහසුතා නොමැති පාසල්වල විදුහල්පතිවරුන්ගේ සහ ගුරුවරුන්ගේ එකඟතාවය අනුව කලාප අධ්‍යාපන අධ්‍යක්ෂකගේ අනුමැතිය යටතේ සිකුරාදා දිනයේ ද පාසල් පැවැත්වීම හැකි බව අධ්‍යාපන අමාත්‍යාංශය සඳහන් කරයි.
අදාළ නිවේදනයේ දැක්වෙන්නේ, සෑම ගුරුවරයෙක්ටම අවම වශයෙන් සතියට දින තුනක් පාසල් පැමිණ ඉගැන්වීම් කටයුතු සිදු කිරීමට හැකිවන පරිදි නම්‍යශීලි කාලසටහනක් සකස් කළ යුතු බවයි.
Source From colombotoday
Author: ctadmin
#SriLanka #News #lka