මැණික් තොගයක් සමඟ පුද්ගලයෙක් වටලයි

සොරකම් කරන ලද හෝ නිධානයකින් ගත් බවට සැකකරන විවිධ වර්ණයෙන් යුත් මැණික් ගල් බවට සැක ගල් කැබලි විශාල ප්‍රමාණයක් සන්තකයේ තබාගත් පුද්ගලයෙකු ඊයේ රාත්‍රියේ පොලිස් විශේෂ කාර්ය බළකාය විසින් අත්අඩංගුවට ගෙන තිබේ.

සැකකරු අම්බලම්පිටිය – කුරුඳුවත්ත ප්‍රදේශයේ පදිංචි වයස අවුරුදු 47ක අයෙක්.

එමෙන්ම විවිධ වර්ණයෙන් යුත් මැණික් ගල් බවට සැකකරන ග්‍රෑම් අසුහයයි මිලි ග්‍රෑම් තිස් දෙකක බරකින් යුත් කුඩා ගල් කැබලි අඩංගු කප් එකක්ද මෙහිදී අත්අඩංගුවට ගෙන ඇත.

එහි වටිනාකම මෙතෙක් අනාවරණය වී නොමැත.

සිද්ධිය සම්බන්ධයෙන් වැඩිදුර විමර්ශන නව කුරුඳුවත්ත පොලිස් ස්ථානය වෙත බාරදී තිබේ.